ناۋرىز ايىنىڭ سوڭىندا الماتىداعى اۋا رايى قانداي بولادى؟

جاۋىن-شاشىندى بولادى.

الماتىدا ناۋرىز ايىنىڭ سوڭعى ون كۇنى جىلى جانە جاۋىن-شاشىندى بولادى، دەپ حابارلايدى Almaty-akshamy.kz. 

«قازگيدرومەت» ماماندارى ناۋرىز ايىنا كونسۋلتاتيۆتىك بولجام جاسادى. ولاردىڭ بولجامى بويىنشا، كوكتەمنىڭ العاشقى ايىنداعى ورتاشا تەمپەراتۋرا +5 گرادۋس بولادى، بۇل كليماتتىق نورمادان 2 گرادۋسقا جوعارى. 

«ءبىرىنشى ونكۇندىكتە تۇندە اۋا تەمپەراتۋراسىنىڭ اۋىتقۋى بولدى -3-8°س-تان -3+2°س-قا دەيىن، كۇندىز +4+9°س-تان +9+14°س-قا دەيىن.

ەكىنشى ونكۇندىكتە اۋا تەمپەراتۋراسىنىڭ جوعارىلاۋى بولجانۋدا: تۇندە -3+2°س-تان +2+7°س-قا دەيىن، كۇندىز +9+14°س-تان +14+19°س-قا دەيىن. كەيىن اۋا تەمپەراتۋراسى تۇندە -7-12°س، كۇندىز +4+9°س دەيىن تومەندەيدى.

ءۇشىنشى ونكۇندىكتە اۋا تەمپەراتۋراسىنىڭ جوعارىلاۋى كۇتىلۋدە: تۇندە -2+3°س، كۇندىز +12+17°س دەيىن. سودان كەيىن تەمپەراتۋرا تۇندە -2-7°س، كۇندىز +7+12°C دەيىن تومەندەيدى»، - دەدى «قازگيدرومەت» رمك الماتى قالاسى بويىنشا فيليالىنىڭ مەتەورولوگيالىق بولجامدار ءبولىمىنىڭ باسشىسى داۋلەت قيسەبايەۆ.

الماتىدا ناۋرىز ايىنىڭ سوڭىندا كۇن جىلىنادى. اۋا تەمپەراتۋراسى تۇندە +1+6°س، كۇندىز +13+18°س دەيىن كوتەرىلەدى.

«وسى ايداعى جاۋىن-شاشىن نورماعا سايكەس بولادى دەپ كۇتىلۋدە (نورما: 76 مم). كەي كۇندەرى جەل سوعادى، ونىڭ ەكپىنى 15-20 م/س. ناۋرىز ايىندا ءجيى تۇمان تۇسەدى. جالپى، كوكتەمنىڭ العاشقى ايى جىلى جانە جاۋىن-شاشىندى بولادى دەپ كۇتىلۋدە»، - دەلىنگەن «قازگيدرومەت» رمك حابارلاماسىندا.