فەرمەرلەر ءۇشىن بارلىق جاعداي جاسالعان.
اۋىل شارۋاشىلىعىنا جاۋاپتى ماماندار ساپالى ەگىس ناۋقانىنا دايىندىق قالاي جۇرگىزىلىپ جاتقانىن ايتتى،دەپ حابارلايدى Almaty-akshamy.kz.
«400 مىڭ توننا كولەمىندە ديزەل وتىنى ءبولىندى، فەرمەرلەر تۇقىممەن قامتاماسىز ەتىلدى، تەحنيكانىڭ دايىندىعى 95% دەڭگەيىندە (ەگىس جۇمىسى باستالاردا 100% بولادى)، جالپى سومانى 140 ملرد تەڭگەگە دەيىن جەتكىزە وتىرىپ، قارجىلاندىرۋ كولەمىن 70 ملرد تەڭگەگە ۇلعايتۋ ماسەلەسى پىسىقتالىپ جاتىر. «ازىق-تۇلىك كەلىسىم شارت كورپوراسياسى» ۇك» اق فورۆاردتىق ساتىپ الۋ باعدارلاماسى بويىنشا قارجىلاندىرۋعا 80 ملرد تەڭگەگە دەيىن باعىتتايدى، بۇل وتكەن جىلعى دەڭگەيدەن 2 ەسە كوپ»، - دەلىنگەن اشم باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، اعىمداعى جىلى اوك مەملەكەتتىك قولداۋ جۇيەسى وزگەرىسسىز قالادى، بۇل فەرمەرلەرگە قوسىمشا قيىندىقتارسىز ەگىس جۇمىستارىن باستاۋعا مۇمكىندىك بەرەدى.
سونداي-اق، 29،7 ملرد تەڭگە كولەمىندە پەستيسيدتەردى سۋبسيديالاۋ باعدارلاماسىن قارجىلاندىرۋ قامتاماسىز ەتىلدى، بۇل ەگىس الاڭىن 100% وڭدەۋگە مۇمكىندىك بەرەدى. شامامەن 659 مىڭ توننا تىڭايتقىش ەنگىزۋ جوسپارلانىپ وتىر.
«سونىمەن قاتار، قازىرگى كۇردەلى جاعداي فەرمەرلەردى وتاندىق مينەرالدى تىڭايتقىشتاردىڭ باعاسىن تومەندەتۋ ماسەلەلەرىن وبەكتيۆتى تۇردە كوتەرۋگە ءماجبۇر ەتەدى.تىڭايتقىشتاردىڭ قۇنى تۇپكىلىكتى ءونىمنىڭ باعاسىنا، سونداي-اق جالپى ساتىپ الۋ قابىلەتىنە اسەر ەتەتىنىن ەسكەرە وتىرىپ، پرەمەر-مينيستر ءاليحان سمايىلوۆتىڭ تاپسىرماسىنا سايكەس، اۋىل شارۋاشىلىعى مينيسترلىگى يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ، مينەرالدى تىڭايتقىشتاردىڭ باعالارىن تومەندەتۋ بويىنشا جۇيەلى جۇمىستاردى جۇرگىزۋدە»، - دەلىنگەن مينيسترلىك حابارلاماسىندا.
وسىلايشا، پرەمەر-مينيستردىڭ ءبىرىنشى ورىنباسارى رومان سكلياردىڭ توراعالىعىمەن «قازازوت» كومپانياسىنىڭ باسشىلىعىمەن وتكەن كەڭەستە تاراپتار وتاندىق اممياك سەليتراسىنىڭ باعاسىن بيىلعى 16 ناۋرىزدان باستاپ 200 مىڭنان 160 مىڭ تەڭگەگە دەيىن تومەندەتۋ تۋرالى شەشىمگە كەلدى.
«ساپالى ەگىس ناۋقانىنا دايىندىق ماسەلەلەرى ەرەكشە باقىلاۋدا جانە مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋى شەڭبەرىندە بەرىلگەن تاپسىرماسىنا سايكەس كۇشەيتىلەتىن بولادى»، - دەلىنگەن اشم باسپا ءسوز قىزمەتىنىڭ حابارلاماسىندا.