الماتى وبلىسىندا جەكە سوت ورىنداۋشىسى ءبىر جارىم جىل بويى اليمەنت جىمقىرعان، دەپ حابارلايدى اlmaty-akshamy.kz.
باسپا ءسوز قىزمەتىنىڭ مالىمەتتەرىنە قاراعاندا، ءبىر جارىم ايدا بورىشكەردىڭ جالاقىسىنان سوت ورىنداۋشىسىنىڭ ارنايى شوتىنا بالانى اسىراۋعا دەپ 816 مىڭ تەڭگە اۋدارىلعان.
سوت ورىنداۋشىسى بۇل اقشانى بالانىڭ اناسىنىڭ شوتىنا ءارى قاراي اۋدارماعان.
بۇل رەتتە، اليمەنت اۋدارۋشىنىڭ ادالدىعىنا قاراماستان، سوت ورىنداۋشىسى بورىشكەردىڭ جۇرگىزۋشى كۋالىگىنىڭ قولدانىلۋىن توقتاتا تۇرۋعا دەيىنگى بارلىق شەكتەۋ شارالارىن قابىلدادى.
سوت ورىنداۋشىسىنىڭ جوعارىدا اتالعان زاڭسىز ارەكەتتەرىنىڭ ناتيجەسىندە اكەسى جۇمىسىنان جانە تابىس كوزىنەن، ال بالاسى وزىنە تيەسىلى اليمەنتتەردەن ايىرىلدى.
وبلىس پروكۋراتۋراسى جولداعان ماتەريالدار بويىنشا پوليسيا دەپارتامەنتى سوت ورىنداۋشىسىنا قاتىستى ق ر قك 251-بابى (جەكە سوت ورىنداۋشىسىنىڭ وكىلەتتىكتەرىن تەرىس پايدالانۋ) بويىنشا قىلمىستىق ءىس قوزعادى.
سونداي-اق، بورىشكەردىڭ جۇرگىزۋشى كۋالىگى قالپىنا كەلتىرىلىپ، بۇرىنعى جۇمىسىنا قايتا ورنالاستىرىلدى.