سوڭعى ءۇش جىلدىڭ ىشىندە ەلىمىزدە مەديسينالىق كومەكتى قارجىلاندىرۋ وسكەن

ول اعىمداعى جىلى 1،1 ترلن تەڭگەدەن 2،8 ترلن تەڭگەگە دەيىن حالىققا كورسەتىلەتىن مەديسينالىق قىزمەتتەردىڭ كولەمىن ايتارلىقتاي ارتتىرۋعا مۇمكىندىك بەردى.

ءمامس ەنگىزۋ ناتيجەسىندە ءجىو-نىڭ جالپى كولەمىندەگى دەنساۋلىق ساقتاۋ شىعىستارىنىڭ ۇلەسى 2018 جىلعى 2،8%-دان 2022 جىلى 3،7%-عا دەيىن ۇلعايدى، دەپ حابارلايدى Almaty-akshamy.kz.

ق ر دەنساۋلىق ساقتاۋ مينيسترلىگىنىڭ مالىمەتىنشە، ءمامس قاراجاتىنىڭ ەسەبىنەن ەلىمىزدىڭ ءبىر تۇرعىنىنىڭ دەنساۋلىعىنا ارنالعان شىعىستاردى 56 مىڭ تەڭگەدەن 122 مىڭ تەڭگەگە دەيىن ۇلعايتۋعا مۇمكىندىك تۋدى.

ماسەلەن، ەگەر مەديسينالىق كومەك بولىنىسىندە قارايتىن بولساق، وندا كۇندىزگى ستاسيونارلاردى ەكى ەسە قارجىلاندىرۋدىڭ ارقاسىندا وتكەن جىلى پاسيەنتتەر مەملەكەتتىك جانە جەكە كلينيكالاردا 920 مىڭنان استام ستاسيوناردى الماستىراتىن قىزمەتتى الا الدى.

جوعارى تەحنولوگيالىق مەديسينالىق كومەكتى قارجىلاندىرۋدىڭ ءوسۋى قازاقستاندىقتار ءۇشىن 2023 جىلى كۇردەلى قىمبات وپەراسيالاردىڭ قولجەتىمدىلىگىن 2،5 ەسەگە ارتتىرۋعا مۇمكىندىك بەردى. 

مەديسينالىق ساقتاندىرۋ قاراجاتىنىڭ ەسەبىنەن پاسيەنتتەرگە جۇرەك-قان تامىرلارى، نيەۆرولوگيالىق، ونكولوگيالىق اۋرۋلار مەن جاراقاتتار كەزىندە مەديسينالىق وڭالتۋ قولجەتىمدى بولدى، ول بۇرىن ءىس جۇزىندە كورسەتىلمەيتىن.

ءمامس باعدارلاماسى بويىنشا جۇمىس ىستەيتىن مەديسينالىق قىزمەتتى كورسەتۋشىلەردىڭ سانى ەكى ەسە ءوستى، ءقازىر ولاردىڭ سانى 2000-عا جۋىق، ولاردىڭ جارتىسىنا جۋىعى جەكە ۇيىمدار.  

جالپى ءجىو-نىڭ جالپى كولەمىندەگى دەنساۋلىق ساقتاۋ شىعىستارىنىڭ ۇلەسى 2019 جىلعى 2،8%-دان 2022 جىلى 3،7%-عا دەيىن ءوستى. مەملەكەت باسشىسى بۇل ۇلەستى 2027 جىلعا قاراي ءجىو-نىڭ 5%-نا دەيىن ۇلعايتۋ ماقساتىن قويدى.

حالىقتىڭ مەديسينالىق قىزمەتتەرگە اقى تولەۋگە ارنالعان قالتا شىعىستارىنىڭ ۇلەسى، كەرىسىنشە، 2018 جىلعى 34%-دان 2022 جىلى 31%-عا دەيىن تومەندەدى.