سوڭعى ءۇش جىلدا اكىم ەربولات دوسايەۆتىڭ باسشىلىعىمەن الماتى قالاسى الەۋمەتتىك-ەكونوميكالىق دامۋدا تۇراقتى وڭ ديناميكانى كورسەتتى، دەپ حابارلايدى aqshamnews.kz
بىلتىر الماتى ەكونوميكاسى 2021 جىلمەن سالىستىرعاندا 20،7%-عا ءوستى. جان باسىنا شاققانداعى جالپى وڭىرلىك ءونىم (ءجوو) 56،6%-عا ارتىپ، 2021 جىلعى 17 595 اقش دوللارىنان 27 557 دوللارعا جەتتى.
الماتى قازاقستاننىڭ ينۆەستيسيالىق ورتالىعى مارتەبەسىن ساقتاپ كەلەدى. 2022-2024 جىلدارى قالا ەكونوميكاسىنا نەگىزگى كاپيتالعا شامامەن 5،2 ترلن تەڭگە ينۆەستيسيا تارتىلدى، بۇل 2021 جىلمەن سالىستىرعاندا 52،4%-عا كوپ. بيىلعى ءقاڭتار-ساۋىر ايىندا نەگىزگى كاپيتالعا 541،3 ملرد تەڭگە ينۆەستيسيا تارتىلىپ، ءوسىم 35،6% بولدى. ينۆەستيسيا كولەمى بويىنشا مەگاپوليس ەل بويىنشا ءبىرىنشى ورىنعا شىقتى.
شاعىن جانە ورتا بيزنەس قالانىڭ ەكونوميكالىق دامۋىنىڭ نەگىزگى قوزعاۋشى كۇشى بولىپ وتىر. شاھار ەكونوميكاسىنداعى شوب ۇلەسى 2021 جىلعى 47،5%-دان 2024 جىلى 60،3%-عا دەيىن ءوستى.
شوب سەكتورى جۇمىسپەن قامتۋدىڭ باستى كوزى رەتىندە قالا بەرەدى، مۇندا قالا تۇرعىندارىنىڭ 90%-ى نەمەسە 972،1 مىڭ ادام جۇمىس ىستەيدى.
2025 جىلى العاش رەت الماتى قالاسىنىڭ بيۋدجەتى 2،4 ترلن تەڭگەدەن استى. بۇل 2022 جىلدىڭ باسىنداعى (1 ترلن تەڭگە) كورسەتكىشپەن سالىستىرعاندا 2،3 ەسە كوپ. دامۋعا ارنالعان بيۋدجەت 622 ملرد تەڭگەگە دەيىن ۇلعايىپ، 2022 جىلعى 213 ملرد تەڭگەمەن سالىستىرعاندا 2،9 ەسە ارتتى.
بيىل الماتى قالاسى ەكونوميكاسىنىڭ قارقىندى دامۋى ساقتالىپ وتىر. 2025 جىلدىڭ ءقاڭتار-ساۋىر قورىتىندىسى بويىنشا قىسقا مەرزىمدى ەكونوميكالىق ينديكاتور 9،1%-عا جەتتى.
ەكونوميكالىق ءوسىمنىڭ نەگىزگى قوزعاۋشى كۇشتەرى – كولىك سالاسى (+23،9%)، قۇرىلىس (+21،3%) جانە وڭدەۋ ونەركاسىبى (+17،6%).