وقۋ-اعارتۋ مينيسترلىگى سوڭعى قوڭىراۋدا اۋەگە شار ۇشىرۋعا تىيىم سالعان جوق.
بۇل تۋرالى اتالعان ۆەدومستۆونىڭ باسشىسى عاني بەيسەمبايەۆ ايتتى، دەپ حابارلايدى Almaty-akshamy.kz
ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ب ا ق وكىلدەرى الەۋمەتتىك جەلىدە اتا-انالار سوڭعى قوڭىراۋ ءىس-شاراسىندا ماقتاۋ قاعازىن تاپسىرۋعا جانە اۋەگە شار ۇشىرۋعا تىيىم سالىنعانىن جازىپ جاتقانىن، بۇل اقپاراتتىڭ راس-وتىرىگىن مينيستردەن سۇراعان ەدى.
«مينيسترلىك تاراپىنان العىس حات نەمەسە ماقتاۋ قاعازىن بەرۋگە قاتىستى ەشقانداي تىيىم جوق. بۇل قانداي دا ءبىر جەكە باستاما شىعار. ءىس جۇزىندە ءبىز دە اقپارات الىپ وتىرمىز. وڭىرلەردەگى ساپانى قامتاماسىز ەتۋ دەپارتامەنتتەرى اتالعان ءىس-شارالاردى ۇيىمداستىرۋعا مونيتورينگ جۇرگىزەدى. مينيسترلىك تاراپىنان ەشقانداي تىيىم سالۋ بولعان جوق»، - دەپ جاۋاپ بەردى مينيستر.