تۇرمىستىق قالدىقتار ورنىنا ازىق-تۇلىك بەرىلەدى

تۇركىستان وبلىسىنىڭ ەكوبەلسەندىلەرى وسىنداي باستامانى قولعا العان. 

انىعىن ايتقاندا، ولار تۇرمىستىق قالدىقتاردى ازىق-تۇلىككە ايىرباستاپ بەرەدى، دەپ حابارلايدى Almaty-akshamy.kz. 

24.kz تاراتقان اقپاراتقا سايكەس، ازىرشە جوبا سايرام اۋدانىندا جۇمىس ىستەپ تۇر. مۇندا قايتا وڭدەۋگە جارامدى قوقىستىڭ كەز كەلگەن ءتۇرى قابىلدانادى. شىنى، پلاستيك، اليۋمينيي شولمەكتەر مەن پوليەتيلەن پاكەت، قاعاز قاپتامالار دا جينالادى. ەسەسىنە، سالماعىنا قاراي كارتوپ، قاراقۇمىق، قۇمشەكەر مەن پياز سياقتى الەۋمەتتىك ماڭىزى بار تاۋار تۇرلەرىن الۋعا بولادى. قوعام بەلسەندىلەرى وسى ارقىلى قورشاعان ورتانى تازا ۇستاپ، ەكولوگياعا وراسان زور پايدا اكەلۋگە بولادى دەپ ەسەپتەيدى.

«ءبىز قايتا وڭدەۋگە بولاتىن قالدىقتاردىڭ بارلىق ءتۇرىن قابىلدايمىز. بەكىتىلگەن باعاسى بار، سوعان سايكەس ايىرباستايمىز. ال قابىلدانعان زاتتاردى شىمكەنت، كەنتاۋ، الماتى قالالارىنداعى زاۋىتتارعا جونەلتەمىز. وعان ەشقانداي كەدەرگى جوق. بارلىعىمەن كەلىسىمشارت جاساستىق. تەك سۇرىپتاپ، سىعىمداۋدان وتكىزۋىمىز كەرەك»، - دەدى جوبا جەتەكشىسى ۆلاديسلاۆ گولياركو.