19 قاڭتاردا ق ر وقۋ-اعارتۋ مينيسترلىگى مەكتەپتەردەگى سوڭعى قوڭىراۋ كۇنىن كەيىنگە شەگەرگەن بولاتىن.
وقۋ-اعارتۋ مينيسترلىگى سوڭعى قوڭىراۋ كۇنىن 25 مامىرعا قايتارۋ ماسەلەسىن قاراستىرۋى مۇمكىن، دەپ حابارلايدى Almaty-akshamy.kz
2023 جىلعى 7 ناۋرىزدا ۇكىمەت كۋلۋارىندا ق ر وقۋ-اعارتۋ ءمينيسترى عاني بەيسەمبايەۆ ساراپشىلار قاۋىمداستىعى سوڭعى قوڭىراۋ كۇنىن 25 مامىردا قايتارۋ مۇمكىندىگىن تالقىلايتىنىن ءمالىم ەتتى.
مينيستر قابىلدانعان شەشىمدى بىردەن وزگەرتە سالۋ وڭاي بولمايتىنىن اتاپ ءوتتى.
"كوپتەگەن اتا-انا 25 مامىردى قايتارۋدى ۇسىنىپ جاتىر. شەشىم قابىلداپ، بيىل بىردەن وزگەرتۋ وڭاي ەمەس. بۇل مۇعالىمدەردىڭ ساعاتى مەن وقۋ ماتەريالىنىڭ جوسپارلانعان كولەمى سياقتى الدىن الا قابىلدانعان وقۋ باعدارلامالارىنا اسەر ەتەدى. ءبىراق، جالپى، مەن كومانداما تاعى دا وقۋ جونىندەگى قاۋىمداستىقتى جيناپ، ءتۇسىندىرۋ جۇمىستارىن جۇرگىزۋدى نەمەسە ناقتى شەشىم قابىلداۋدى تاپسىردىم. بۇل باعىتتاعى جۇمىستار باستالىپ كەتتى. ءبىراق قابىلدانعان شەشىم بيىل ىسكە اسىرىلادى"، - دەدى عاني بەيسەمبايەۆ.
ول شەشىمدى ساراپشىلار قاۋىمداستىعى قابىلدايتىنىن، تالقىلاۋعا اتا-انالار دا قاتىسۋى مۇمكىن ەكەنىن ايتتى.
19 قاڭتار كۇنى ق ر وقۋ-اعارتۋ مينيسترلىگى مەكتەپتەردەگى سوڭعى قوڭىراۋ كۇنى كەيىنگە شەگەرىلگەنىن مالىمدەدى. 2023 جىلدان باستاپ 1 ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى.