ءبىراق بۇل كانديداتتار ساياسي دودانى جالعاستىرادى.
ءماجىلىس جانە ءماسليحاتتار دەپۋتتىعىنا كانديداتتار اراسىندا سايلاۋالدى ۇگىتتى ەرتە باستاعان، دەكلاراسيادا تابىسىن اشىق كورسەتپەگەن جانە ءۇيقاماق رەجيمىن بۇزعاندار بار، دەپ حابارلايدى Almaty-akshamy.kz
ولارعا قاتىستى اكىمشىلىك حاتتاما تولتىرىلدى. مۇنى "ادال سايلاۋ ءۇشىن" رەسپۋبليكالىق قوعامدىق شتابى حابارلادى.
ولاردىڭ ايتۋىنشا، سايلاۋعا قاتىسۋشىلار ىشىندە جەكە دەرەكتەردى تاراتۋ جانە قاڭتار وقيعاسىنا قاتىستى دەگەن كۇدىكپەن تەرگەۋدە جۇرگەن ازاماتتار بار. ءبىراق، سوت شەشىمى شىققانشا ولار كىناسىز بولىپ سانالادى.
"سوندىقتان مۇنداي فاكتورلار سايلاۋعا قاتىسۋعا كەدەرگى كەلتىرمەيدى"، - دەيدى شتاب وكىلى دۋمان جانپەيىسوۆ.
ەندى اتالمىش جايتتاردى سايلاۋ كوميسسياسى قاراستىرادى. بۇل دەرەكتەر ساياسي ناۋقاننان شىعىپ قالۋعا نەگىز بولۋى مۇمكىن.
"كونستيتۋسيادا ادام سوتتىڭ ۇكىمى كۇشىنە ەنگەنگە دەيىن كىنالى ەمەس دەپ ەسەپتەلەدى. سوتتىڭ ۇكىمى كىنالى دەپ ەسەپتەلگەننەن كەيىن عانا قانداي دا تەرىس سالدارلار بولۋى مۇمكىن. ەگەر قانداي دا ءبىر سايكەسسىزدىك تابىلىپ جاتسا، ول ەرتەڭ سايلاۋ كوميسسياسىنىڭ تىركەۋ تۋرالى قابىلداعان شەشىمىنىڭ كۇشىن جويۋعا نەگىز بولادى"، - دەيدى "ادال سايلاۋ ءۇشىن" رەسپۋبليكالىق قوعامدىق شتابىنىڭ مۇشەسى دۋمان جانپەيىسوۆ.