وقۋ-اعارتۋ ءمينيسترى عاني بەيسەمبايەۆ بۇل كىتاپتاردىڭ مەملەكەتتىك ساراپتامادان وتكەنىن ايتتى.
ونى ازىرلەۋگە ەلىمىزدىڭ 11 باسپاسى قاتىستى. وقۋلىقتاردى قولدانىسقا ەنگىزۋگە قاجەتتى ارنايى ادىستەمەلىك ۇسىنىستار دا دايار، دەپ حابارلايدى Almaty-akshamy.kz 24.kz-كە سىلتەمە جاساپ.
- 2024 جىلى بارلىق وقۋلىقتىڭ سيفرلىق نۇسقاسى دايىن بولادى، - دەدى ول. بالالاردىڭ قىزىعۋشىلىعىن ارتتىرۋ ماقساتىندا بۇل كىتاپتارعا ۆيرتۋالدى زەرتحانالار مەن ويىن ەلەمەنتتەرى ەنگىزىلەدى.
«پاندەردى ەلەكتروندى وقۋلىقتارمەن 100 پايىز قامتاماسىز ەتۋ 2024 جىلعا جوسپارلانعان. پەداگوگتار ءۇشىن ەلەكتروندى وقۋلىقتاردى ءتيىمدى پايدالانۋ ادىستەمەلەرى ازىرلەنىپ، وقىتۋ جۇمىستارى باستالدى. ەلەكتروندى وقۋلىقتارمەن قاتار، مەكتەپتەردە قوسىمشا مۋلتيمەديالىق كونتەنتى بار ءبىلىم بەرۋ رەسرۋستارى قولدانىلادى»، - دەدى ق ر وقۋ-اعارتۋ ءمينيسترى عاني بەيسەنبايەۆ.