كەشە دەپۋتات امانجول ءالتايدىڭ سوڭعى قوڭىراۋ كۇنىن اۋىستىرۋدى سۇراعانىن حابارلاعانبىز.
1 ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى، دەپ حابارلايدى Almaty-akshamy.kz
بۇل تۋرالى وقۋ-اعارتۋ مينيسترلىگى ورتا ءبىلىم كوميتەتىنىڭ ءتوراعاسى گۇلميرا كارىموۆا ايتىپ بەردى.
«قازاقستاندا وقۋ جىلىنىڭ ۇزاقتىعى - 36 اپتا. ءداستۇر بويىنشا، وقۋ جىلى 1 قىركۇيەكتە باستالىپ، بيىلدان باستاپ 31 مامىردا اياقتالادى»، - دەدى گ. كارىموۆا مينيسترلىكتىڭ تەلەگرام كانالىندا جاريالاعان تۇسىنىكتەمەسىندە.
ونىڭ ايتۋىنشا، 31 مامىر – وقۋ جىلىنىڭ سوڭعى كۇنى. بۇل كۇنى ەلىمىزدىڭ مەكتەپتەرىندە وقۋشىلاردىڭ جاس ەرەكشەلىكتەرىن ەسكەرە وتىرىپ، ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان سىنىپتان تىس ساعاتتار وتكىزىلەدى. 1 ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى.