ءتورت كۇندىك جۇمىس اپتاسىنا رۇقسات بەرىلۋى مۇمكىن

ياعني، قىزمەتكەر ءبىر اي 4 كۇننەن، ءبىر اي 6 كۇننەن جۇمىس ىستەسە بولادى.

قازاقستاندىقتار 4 كۇندىك جۇمىس ۋاقىتىن تاڭداسا، جالاقىسى وزگەرمەيدى، دەپ حابارلايدى Almaty-akshamy.kz

«سول قالپى قالادى. الايدا مۇنداي گرافيكپەن ماڭگى جۇمىس ىستەي المايسىز. ياعني، قىزمەتكەر مەن جۇمىس بەرۋشى كەلىسىپ، ءبىر اي 4 كۇننەن، ءبىر اي 6 كۇننەن جۇمىس ىستەسە بولادى. مۇنداي وزگەرىس قاشان كۇشىنە ەنەتىنى بەلگىسىز، ءبىر انىعى ەڭبەك كودەكسى تۋرالى قۇجات ءماجىلىس قاراۋىندا. 5 كۇندىك جۇمىس كەستەسىنىڭ جىلدىق نورماسى -1960 ساعات. سايكەسىنشە، مىنا 4 كۇندىك جۇمىس اپتاسىنا كوشكەن كەزدە جىلدىق نورما ساقتالادى. جالاقىسىنا توقتالاتىن بولساق، ەڭبەك كودەكسىنە سايكەس جالاقى قۇنى ازاماتتاردىڭ بەلگىلى ءبىر جۇمىسىنا، ونىڭ كولەمىنە، بىلىكتىلىك تالابىنا سايكەس تولەنەدى. سايكەسىنشە، بۇل جەردە دە جالاقى ساقتالادى»، – دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى دەپارتامەنتىنىڭ باسقارما باسشىسى شالقار ورازبەكوۆ.

ەڭبەك كودەكسىندەگى تاعى ءبىر جاڭاشىلدىق – ەڭبەككە ۋاقىتشا جارامسىزدىق ءۇشىن تولەنەتىن جاردەماقى كولەمى ۇلعايتىلدى. ياعني، بۇرىن ونىڭ سوماسى 45 مىڭ تەڭگە بولسا، ەندى شامامەن 86 مىڭ تەڭگەگە كوتەرىلدى. ماسەلەن، ءسىز دەنساۋلىعىڭىزعا بايلانىستى جۇمىستان 4 كۇن قالساڭىز، سىزگە 86 مىڭ تەڭگەگە دەيىن جاردەماقى بەرىلەدى.

«4 كۇن ول كىسى جۇمىستا بولعان جوق. سايكەسىنشە، ول كىسىنىڭ سول ايداعى جالاقىسى جالپى قالىپتى الىپ جۇرگەن جالاقىسىنان ءسال تومەندەۋ بولۋى مۇمكىن. ءبىراق جۇمىسقا جارامسىزدىق قاعازى ارقىلى شىعىندى تولتىرادى»، – دەدى شالقار ورازبەكوۆ.