تايلاندتا بوكستان ليسەنزيالىق تۋرنير: قازاقستاندىق سپورتشىلار پاريج وليمپياداسىنا جولداما ءۇشىن كۇرەسەدى
ەكى كۇننەن كەيىن تايلاند استاناسىندا بوكستان بۇكىلالەمدىك ليسەنزيالىق تۋرنير باستالادى. بۇل جارىس پاريج وليمپياداسىنا جولداما بەرەتىن سوڭعى مۇمكىندىكتەردىڭ ءبىرى بولىپ تابىلادى. قازاقستان اتىنان بۇل تۋرنيردە 6 سپورتشى قاتىسادى، دەپ حابارلايدى اlmaty-akshamy.kz.
ەرلەر اراسىندا 63،5 كەلى سالماق دارەجەسىندە مۇحامەدسابىر بازاربايۇلىنا ۇلكەن سەنىم ارتىلىپ وتىر. وتكەن ايدا استانادا وتكەن سپاررينگتىك باسەكەدە ول بارلىق ۇمىتكەرلەر اراسىنان جەڭىمپاز اتانعان بولاتىن. دەگەنمەن، ءساۋىر ايىندا يتاليادا وتكەن ىرىكتەۋ تۋرنيرىندە ول جەڭىلىپ قالعان ەدى.
ايەلدەر اراسىندا نازىم قىزايباي (50 كەلى)، ۇلجان سارسەنبەك (54 كەلى)، ريمما ۆولوسەنكو (60 كەلى)، ناتاليا بوگدانوۆا (66 كەلى) جانە ۆالەنتينا حالزوۆا (75 كەلى) شارشى الاڭعا شىعادى.
ەرتەڭ، 23 مامىردا، بانگكوكتا ءتۋرنيردىڭ جەرەبەسى تارتىلىپ، وتاندىق بىلعارى قولعاپ شەبەرلەرىنىڭ قارسىلاستارى انىقتالادى. ال 24 مامىردا العاشقى جارىس كۇنى باستاۋ الادى.
ايتا كەتەيىك، قازىرگى ۋاقىتتا ەلىمىزدىڭ ەرلەر قۇراماسىندا 6، ال ايەلدەر كومانداسىندا 1 عانا جولداما بار. پاريج وليمپياداسى 26 شىلدەدە باستالىپ، 11 تامىزعا دەيىن جالعاسادى.