بۇۇ-نىڭ باس اسسامبلەياسىنىڭ باسپا ءسوز ەركىندىگى كۇنى دەپ جاريالاعانىنا بۇگىن - 30 جىل
بۇۇ باسپا ءسوز ەركىندىگى كۇنىنە وراي وسىنداي مالىمەت جاريالادى، دەپ حابارلايدى Almaty-akshamy.kz.
دەرەككە سۇيەنسەك، بىلتىر الەمدە بۇقارالىق اقپارات قۇرالدارىنىڭ 67 قىزمەتكەرى قازا تاپقان. بۇل 2021 جىلمەن سالىستىرعاندا 50 پايىزعا ارتىق. ال سوڭعى 5 جىلدا دۇنيەجۇزىندەگى ادامداردىڭ 85 پايىزىنىڭ ءسوز ەركىندىگى شەكتەلىپتى.
«جۋرناليستەرگە شابۋىل جيىلەپ كەتتى. وسىدان 10 جىل بۇرىن 10 ءجۋرناليستىڭ ءولىمىنىڭ 9-ى اشىلماي قالىپ، قىلمىسكەرلەر 100 پايىز جازالانبايتىن ەدى. ءبىراق ءقازىر دە جاعداي سول كەزدەگىدەن اسا وزگەرە قويعان جوق. ءقازىر بۇقارالىق اقپارات قۇرالدارى قىزمەتكەرلەرىنە شابۋىل جاساۋشىلاردىڭ 86 پايىزى جازاعا تارتىلمايدى. بۇل وتە الاڭداتارلىق جايت»، - دەيدى يۋنەسكو-نىڭ ءسوز بوستاندىعى مەن جۋرناليستەر قاۋىپسىزدىگى جونىندەگى ءبولىمىنىڭ باسشىسى گيلەرمە كانەلا دە سوۋزا گودوي.