سوڭعى رەت 2020 جىلدىڭ قاڭتار ايىنىڭ سوڭىندا تىركەلگەن
ۆيرۋس جۇقتىرۋ وقيعاسى ەكى جىلعا جۋىق ۋاقىتتان بەرى تىركەلمەسە دە، تيبەت اۆتونوميالى اۋدانىندا ەكپە سالدىرۋ جۇمىسى قارقىندى جۇرگىزىلىپ وتىر. ەلدە ەكپەنىڭ ءۇشىنشى كەزەڭىن الۋ باستالىپ كەتكەن، دەپ حابارلايدى Almaty-akshamy.kz Express Qazaqstan-عا سىلتەمە جاساپ.
ءقازىر ءجۇز مىڭعا جۋىق تيبەتتىك ازامات ەكپەنىڭ ءۇشىنشى دوزاسىن الىپ ۇلگەردى، دەپ مالىمدەدى سينحۋا اگەنتتىگى.
قىتايدىڭ دەنساۋلىق ءىسى بويىنشا ايماقتىق كوميتەتىنىڭ سەنبى كۇنى تيبەتتە كوروناۆيرۋس جۇقتىرۋدىڭ جاڭا كورىنىسى تىركەلمەگەنىنە 653 كۇن بولعاندىعىن جاريا ەتتى. ەلدە سوڭعى رەت ۆيرۋس جۇقتىرۋ وقيعاسى 2020 جىلدىڭ قاڭتار ايىنىڭ سوڭىندا تىركەلگەن.
«ۆيرۋسقا قارسى كۇرەستە وڭ ناتيجەگە جەتكەنىمىزبەن، ەلدە ادامداردىڭ دەنە تەمپەراتۋراسىن تۇراقتى ولشەۋ مەن كوپشىلىك ورىنداردى زالالسىزداندىرۋ جۇمىسىن توقتاتپاۋىمىز كەرەك، - دەيدى تيبەت ۇكىمەت باسشىسىنىڭ ورىنباسارى سزيان سزە.
قازىرگى تاڭدا 3،5 ميلليوننان اسا حالقى بار تيبەتتە 5،89 ميلليون دوزا ەكپە ەگىلگەن. وتكەن اپتادا ەلدەگى بارلىق 3 جاستان 12 جاسقا دەيىنگى بالالاردى ۆاكسيناسيالاۋ جۇمىسى باستالدى.