وتانداسىمىز قويان-قولتىق ۇرىستان الەم كۋبوگىندا چەمپيون بولدى

الەم كۋبوگى رەسەي ەلىندە العاش رەت وتكىزىلدى

2021 جىلعى قاراشا ايىنىڭ 11-13 ارالىعىندا ماسكەۋ قالاسىنداعى يرينا ۆينەر-ۋسمانوۆانىڭ گيمناستيكا سارايىندا قويان-قولتىق ۇرىستان الەم كۋبوگى ءوتتى، دەپ حابارلايدى Almaty-akshamy.kz ق ر ۇلتتىق ۇلان گۆاردياسىنىڭ باسپا ءسوز قىزمەتىنە سىلتەمە جاساپ.

اتالعان جارىسقا الەمنىڭ 30 ەلىنەن 300-دەن استام سپورتشى قاتىستى. جارىس باعدارلاماسىنا «جەكپە-جەك» جانە «ءوزىن-وزى قورعاۋ» ديسيپلينالارى كىردى. فينال وسى سەنبىدە ءوتتى.

اتالعان جارىسقا سونداي-اق قازاقستان رەسپۋبليكاسىنىڭ سپورتشىلارى قاتىستى. قازاقستاننىڭ قويان-قولتىق ۇرىستان ۇلتتىق قۇراماسىنىڭ قۇرامىندا ۇلتتىق گۆارديا اسكەري ينستيتۋتىنىڭ 4-كۋرس كۋرسانتى اراپباي ساۋران قاتىستى.

اسكەري ينستيتۋت كۋرسانتى ءادىل جانە تاباندى جارىستا سپورتتىق شەبەرلىكتىڭ جوعارعى دەڭگەيىن كورسەتىپ، ءۇندىستان، يران، رەسەي جانە وزبەكستان سپورتشىلارىن جەڭىپ شىقتى.

جارىس قورىتىندىلارى بويىنشا 65 كەلىگە دەيىنگى سالماق دارەجەسىندە اسكەري ينستيتۋت كۋرسانتى اراپباي ساۋران حالىقارالىق كلاستاعى سپورت شەبەرىنىڭ ءنورماتيۆىن ورىنداپ، قول جۇمسايتىن جەكپە-جەكتەن الەم كۋبوگىنىڭ چەمپيونى اتاندى.

قول جۇمسايتىن جەكپە-جەك بويىنشا الەم كۋبوگى رەسەي ەلىندە العاش رەت وتكىزىلدى. ۇيىمنىڭ ماقساتى – جاۋىنگەرلىك ونەردىڭ بۇل ءتۇرىن ايگىلەندىرۋ، سونداي-اق ديسيپلينانى وليمپيادا باعدارلاماسىنا قوسۋ.