سوعىسقا كەتىپ ورالماعان ساربازدىڭ سۇيەگى رەسەيدىڭ نوۆگورود وبلىسىنان تابىلعان.
سوعىس ارداگەرىنىڭ سۇيەگى 79 جىلدان كەيىن تۋعان ولكەسىنە جەرلەندى، دەپ حابارلايدى Almaty-akshamy.kz Almaty.tv-گە سىلتەمە جاساپ.
80 جىلعا جۋىق جوعالعاندار قاتارىندا بولعان جاۋىنگەر 1916 جىلى جۋالى اۋدانىندا تۋعان. سوعىسقا كەتىپ ورالماعان ساربازدىڭ سۇيەگى رەسەيدىڭ نوۆگورود وبلىسىنان تابىلعان. ال ارتىنان قارا قاعاز عانا كەلگەن ازاماتتاردىڭ سۇيەگىن ىزدەۋمەن ارنايى توپ اينالىسادى.
«ءبىزدىڭ اتانىڭ اماناتى» دەگەن قوعامدىق ۇيىمى رەسەي فەدەراسياسىنداعى ىزدەۋ كومانداسىمەن بىرىگىپ تاپقان. ىزدەستىرۋ جۇمىسى جالعاسىپ جاتىر. قازىرگى تاڭدا 12 جاۋىنگەردىڭ سۇيەگى تابىلدى. ونىڭ ىشىندە 8 وفيسەر بار. ىزدەۋ جۇمىسىنا قازاقستاندىقتار كومەكتەستى. وسكەلەڭ ۇرپاقتى اسكەري پاتريوت رەتىندە تاربيلەۋ كەرەكپىز. اتا-بابالارىمىزدىڭ سوعىسقا قاتىسىپ، جەتكەن جەتىستىكتەرى، ەرلىگى جەتكىزىلىپ وتىرۋى ءتيىس»، – دەدى وڭتۇستىك وڭىرلىك اسكەري قولباسشىلىعى باسقارماسىنىڭ اعا وفيسەرى ەلميرا جۇماشيەۆا.
ساپارباي يماحايەۆتىڭ تۋىستارى جۋالى اۋدانىنا قاراستى ءتاتتىباي دۇيسەباي اۋىلىندا تۇرادى. ارداگەردىڭ سۇيەگى وسى ەلدى مەكەندە تۇراتىن تۋىسىنا تابىستالدى.
«وسى ۋاقىتقا دەيىن ەشقانداي حابار بولماعان. ەلىمنىڭ، جۇرتتىڭ ارقاسىندا وسىنداي مارتەبەگە جەتتىم. اتامنىڭ سۇيەگى تابىلىپ، توپىراق بۇيىرعانىنا قۋانىشتىمىن. بۇدان كەيىن سوعىس بولماسىن، ەل امان، جۇرت تىنىش بولسىن»، – دەدى ساپارباي يماحايەۆتىڭ نەمەرە ءىنىسى قوسمۇرات يماحايەۆ.
اسكەريلەردىڭ اقپاراتىنا سايكەس، الدا جۇمىس جالعاسىن تابا بەرمەك. ەرلىك جاساعان ەرلەردىڭ ەسىمى ەشقاشان ۇمىت قالمايدى.