الماتىلىق عالىمدار توپىراق قۇنارلىعىن ارتتىراتىن جوبا ويلاپ تاپتى

ءادىس ەلىمىزدەگى 2 مىڭنان استام شارۋا قوجالىعى مەن جىلىجايدا قولدانىستا

الماتىلىق عالىمدار توپىراق قۇنارلىعىن ارتتىرۋ ءۇشىن بىرەگەي جوبا ويلاپ تاپتى، دەپ حابارلايدى Almaty-akshamy.kz Almaty.tv-گە سىلتەمە جاساپ.

بىرنەشە ساراپتامادان وتكەن ءادىس ءقازىر ەلىمىزدەگى 2 مىڭنان استام شارۋا قوجالىعى مەن جىلىجايدا قولدانىستا. ونىڭ ەرەكشەلىگى سول - جەر قۇنارلىعىن ساقتاۋ جانە ساپاسىن ارتتىرۋ.  ءادىس تابيعي جولمەن جۇرگىزىلەدى ەكەن. عالىمدار ازىرگە بۇل پيلوتتىق جوبا دەپ وتىر. ەندى مەملەكەتتەن قولداۋ تاپسا، تولىق قولدانىسقا ەنگىزىلمەك. الايدا اۋىلشارۋاشىلىق سالاسىنىڭ عالىمدارى بۇل باعىتتا اسا الاڭداۋلى. سەبەبى، ءقازىر ەلىمىزدەگى جەردىڭ باسىم بولىگى ەروزياعا ۇشىراعان دەيدى.

«جەر داۋىلدى، سۋلى تابيعاتتان كەيىن ەروزياعا ۇشىراعان. سۋ سىڭبەي قالعان دارەجەگە جەتكەن. جەر قاتتى كۇيرەگەن. وسى رەتتە قولعا الىنعان بۇل پيلوتتىق جوبا ءتيىمدى، پايداسى وراسان دەپ ايتۋىمىزعا بولادى»، – دەدى  ق ر ۆەرميفەرمەرلەر كووپەراتيۆتەرىن دامىتۋ كوميتەتىنىڭ ءتوراعاسى باقىتجان اسەمبەكوۆ

سونداي-اق اگروتەحنولوگيا سالاسىنداعى عالىمدار مەملەكەت تاراپىنان بەرىلگەن گرانت اياسىندا بىرنەشە عىلىمي جوبا دايىنداپ جاتىر. ونى تاجىريبە نەگىزىندە ىسكە اسىرىپ تا ءجۇر. بۇل ادىستەمەلەردىڭ باسىم بولىگىن اۋىلدىق جەردە قولدانۋدى جوسپارلاماق. سەبەبى، ەل پرەزيدەنتى بايانداماسىندا اۋىلدى قولداۋ ءۇشىن اگروونەركاسىپ كەشەنىنە يننوۆاسيالىق كاسىپكەرلىك باستامالاردى ەنگىزۋ كەرەگىن ايتقان.

«مىسالى، ءبىزدىڭ ءبىر جوبامىز ءوزىنىڭ تيىمدىلىگىن دالەلدەدى. بۇل - مايبۇرشاق سويا ءوسىرۋ تەحنولوگياسى. بۇل ونىمدىلىگىن بىردەن ارتتىرماسا دا، تۇراقتىلىقتى ساقتاپ قالادى. ونىڭ پايدالى نە زياندى قاسيەتى - كورسەتكىشتەرىنىڭ تومەن بولۋى»، – دەدى اۋىلشارۋاشىلىق عىلىمدارىنىڭ دوكتورى، پروفەسسور ەسەنباي يسلاموۆ.