سوعىس ارداگەرى لەونيد گيرش تۋرالى ەستەلىكتەر ايتىلدى
قازاقستاندا ەكىنشى دۇنيەجۇزىلىك سوعىستىڭ ارداگەرى، اقىن، جازۋشى، قازاقستان حالقى اسسامبلەياسىنىڭ مۇشەسى بولعان مارقۇم لەونيد گيرش تۋرالى دەرەكتى فيلم جارىققا شىقپاق. بۇل تۋرالى الماتىداعى «دوستىق ۇيىندە» وتكەن «ەشكىم دە، ەشتەڭە دە ۇمىتىلمايدى» اتتى مەرەكەلىك جيىندا ايتىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
جيىن بارىسىندا مايدانگەردىڭ قىزى سۆەتلانا گيرش اكەسى جايىندا ەستەلىگىمەن ءبولىستى.
«اكەمنىڭ ءومىرىنىڭ ماڭىزدى بولىگى - سوعىس پەن قازاقستان دەپ ايتار ەدىم. سەبەبى، ول سوعىستىڭ باسىنان باستاپ، سوڭىنا دەيىن ءجۇرىپ ءوتتى. سوعىستان كەيىنگى ءومىرىنىڭ كوپ بولىگىن قازاقستاندا ءسۇردى. مەن ونى قازاقستانعا كوپ نارسە بەردى دەپ ايتار ەدىم. سەبەبى، ول وزىنەن كەيىن جاقسى شىعارمالار قالدىردى. ول سوعىسقا قاتىسقان قازاقستاندىقتار تۋرالى دەرەكتەر جينادى، سولاردى باسىپ، جەكە كىتاپ ەتىپ جارىققا شىعارۋدى ارماندادى. مەن ونى ۇلكەن ەڭبەك دەپ باعالايمىن. سوڭعى جىلدارى ەستەلىك كىتاپتار جازۋمەن اينالىستى، ارداگەرلەرمەن كەزدەسىپ ءجۇردى. اكەمدى ەسكە الىپ، قۇرمەت كورسەتىپ جاتقاندارىڭىزعا راحمەت»، - دەدى سۆەتلانا گيرش.
«فيليا» گرەك ەتنومادەني بىرلەستىگىنىڭ ءتوراعاسى گەورگيي يوردانيندي لەونيد گيرش سەكىلدى اداممەن تانىس بولعانىن ماقتان تۇتاتىتىن ايتتى.
«ول كوپجاقتى ادام بولدى. ونىڭ باي ءومىربايانى تۋرالى ءالى كوپتەگەن عالىمدار مەن جاستار جازاتىن بولادى. ءوزىمنىڭ دوستارىم سەكىلدى مەن ونىڭ شاكىرتىمىن دەپ ەسەپتەيمىن»، - دەدى ول.
جيىن بارىسىندا لەونيد گيرشقا ارنالعان دەرەكتى ءفيلمنىڭ قىسقا ۇزىندىلەرى كورسەتىلدى. گەورگيي يوردانيندي ءوز سوزىندە دەرەكتى ءفيلمنىڭ ءالى تولىق اياقتالماعانىن اتاپ ءوتتى.
«بۇل ىسكە قارجىلاي دەمەۋشىلىك كەرەك بولىپ تۇر. سوندىقتان، بۇل يگى ىسكە ات سالىسام، قولداۋ جاسايمىن دەگەن ازاماتتار بولسا، ولارعا مارحابات دەيمىز»، - دەدى ول.
سونداي-اق، الماتىدا «100ء-شى جەكە اتقىشتار بريگاداسى» تۋرالى كىتاپتىڭ تۇساۋى كەسىلگەن بولاتىن.