ەلوردالىق پوليسەيلەر مەتالل ۇرلاعان كۇدىكتىنى ۇستادى
نۇر-سۇلتان قالاسى كريمينالدىق پوليسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە ۇرلىق جاسادى دەگەن كۇدىكپەن ەر ادامدى ۇستادى، - دەپ حابارلايدى Almaty-akshamy.kz Inform.kz-كە سىلتەمە جاساپ.
«تەرگەۋ بارىسىندا انىقتالعانداي، 47 جاستاعى قاسكۇنەم كەشكى ۋاقىتتا قۇرىلىس نىسانىنان 9 دانا ءليفتىنىڭ باعىتتاۋشى قۇرالدارىن ۇرلاپ كەتكەن. ول ۇرلانعان زاتتى مەتالل سىنىقتارىن قابىلداۋ پۋنكتىنە وتكىزىپ ۇلگەرگەن. بۇرىن ۇرلىق جاساعانى ءۇشىن سوتتالعان ۇستالعان ازامات ءوز كىناسىن مويىندادى، ونىڭ ەلوردا اۋماعىندا بۇرىن جاسالعان باسقا قىلمىستارعا قاتىسى بار-جوعى تەكسەرىلۋدە»، - دەپ حابارلادى قالالىق پوليسيا دەپارتامەنتىنەن.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى نۇر-سۇلتان قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.
ەلوردالىق پوليسەيلەر ءتۇرلى-تۇستى جانە قارا مەتالداردىڭ ساتۋ جانە زاڭسىز اينالىم ورىندارىن ۇنەمى تەكسەرىپ وتىرادى.