ەرتەڭ ەرلەر كومانداسى قولا جۇلدەگە تالاسادى
بىرىككەن اراب امىرلىكتەرىنىڭ دۋباي قالاسىندا كاراتەدان الەم چەمپيوناتى ءوتىپ جاتىر. قازاقستاندىق ءتورت سپورتشى جۇلدەگە تالاسىپ، ەكەۋى جۇلدەگەر اتاندى، دەپ حابارلايدى Almaty-akshamy.kz Olympic.kz-كە سىلتەمە جاساپ.
توكيو وليمپياداسىنىڭ قولا جۇلدەگەرى سوفيا بەرۋلسيەۆا 68 كەلىگە دەيىنگى سالماقتا الەم بىرىنشىلىگىنىڭ قولا جۇلدەگەرى اتاندى. ءۇشىنشى ورىن ءۇشىن وتكەن كەزدەسۋدە بەرۋلسيەۆا سەربيالىق يۆانا پەروۆيچتەن باسىم ءتۇستى.
75 كەلىگە دەيىنگى سالماقتا سىنعا تۇسكەن نۇرقانات ءاجىقانوۆ قولا مەدال ءۇشىن وتكەن جەكپە-جەكتە بەلگيالىق قارسىلاسىن جەڭىپ، الەم ۇزدىكتەرىنىڭ قاتارىنا ەندى. بۇل 20 جاستاعى سپورتشىنىڭ ەرەسەكتەر اراسىنداعى ەڭ ۇلكەن جەتىستىگى.
وكىنىشكە قاراي، 50 كەلىگە دەيىنگى سالماقتا ب ا ق سىناعان ءمولدىر جاڭبىرباي ۋكراينالىق سپورتشىدان، 60 كەلىگە دەيىنگى سالماقتا ەل نامىسىن قورعاعان قايسار الپىسباي موروككولىق قارسىلاسىنان جەڭىلىپ، ءتورتىنشى ورىن الدى.
ەرتەڭ قازاقستان ەرلەر كومانداسى قولا جۇلدەگە تالاسادى.