كۇدىكتى بۇرىن دا ۇرلىق جاساعانى ءۇشىن ءىستى بولعان
الماتىدا كولىك ۇرلاپ اكەتكەن ادام قولعا ءتۇستى، دەپ حابارلايدى Almaty-akshamy.kz قالالىق پد-نە سىلتەمە جاساپ.
ماسەلە 31 جاستاعى و.ەسىمدى ازاماتتىڭ زاڭسىز ارەكەتى تۋرالى.
«ءبىزدىڭ بولىمشەنىڭ كەزەكشى بولىمىنە Toyota Camry كولىگىنىڭ ۇرلانعانى تۋرالى ارىز ءتۇستى. قالانىڭ بەينەباقىلاۋ جۇيەلەرى ارقىلى كۇدىكتىنىڭ ءجۇرىپ وتكەن جولىن انىقتاۋعا مۇمكىندىك تۋدى. جاريالانعان «ۇستاۋ» جەدەل جوسپارىنىڭ ناتيجەسىندە ونىڭ جولى كەسىلدى: كولىكتى ۇرلاعان ادام ۇستالدى. ول ءوز ءىسىن مويىندادى. ايتپاقشى، ۇستالعان ازامات بۇرىن دا وسىعان ۇقساس قىلمىستارى ءۇشىن بىرنەشە رەت سوتتى بولعان. قازىرگى ۋاقىتتا ۇستالعان ازاماتقا قاتىستى ق ر قك-نىڭ 188-بابى 2-بولىگى بويىنشا قىلمىستىق ءىس تەرگەلۋدە. قاسكوي ۋاقىتشا ۇستاۋ يزولياتورىنا قامالدى»، – دەدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ونىڭ ايتۋىنشا، كولىك ۇرلىعى الدىڭعى ەسىكتى بۇراعىشپەن اشۋ ارقىلى جاسالعان.
