كيبەرقاۋىپسىزدىكتى جەتىلدىرۋ كەرەك!
سمارتفونداعى حابارلامالار ماڭىزدى اقپارات بولىپ سانالادى. كيبەرقاۋىپسىزدىك سالاسىنداعى ساراپشىلار حابارلامالار ءماتىنىن كورسەتۋدى نەگە ءوشىرۋ كەرەك ەكەندىگى تۋرالى ايتتى، دەپ حابارلايدى Almaty-akshamy.kz.
«ءار ءتۇرلى قۇپيا اقپاراتتى سمارتفوننان حابارلامالاردان الۋعا بولادى: بانكتەگى شوتتاعى قالدىق، ىسكەري كوررەسپوندەنسيانىڭ بولىگى، تازا جەكە حابارلامالار جانە ت.س.س. بۇل اقپاراتتى وزگەنىڭ قاراۋى ىقتيمال. سونىڭ ىشىندە شابۋىلداۋشىنىڭ ويى مەن وقيعالاردىڭ بارىسى ءار ءتۇرلى بولۋى مۇمكىن. بەيتانىس ادامنىڭ الىنعان مالىمەتتەرمەن نە ىستەگىسى كەلەتىنى دە بەلگىسىز.مۇنىڭ الدىن الۋ ءۇشىن ءموبيلدى وپەراسيالىق جۇيەلەردە حابارلاما ءماتىنىن جاسىرۋ فۋنكسياسىن قولدانعان ابزال»، - دەدى كاسپەرسكيي زەرتحاناسىنىڭ كيبەرقاۋىپسىزدىك جونىندەگى ساراپشىسى ۆيكتور چەبىشيەۆ.
Group-IB زياندى كودتى زەرتتەۋ زەرتحاناسى باسشىسىنىڭ ورىنباسارى رومان رەزۆۋحيننىڭ ايتۋى بويىنشا، يتەرمەلى حابارلامادا پايدالانۋشى ونلاين-بانكتەن راستاۋ كودتارىن دا، مەسسەندجەرلەر مەن قوسىمشالاردان دا كودتار الا الادى. سوندىقتان شابۋىلداۋشىلار ءتىپتى قۇلىپتالعان تەلەفوندى دا اشۋى مۇمكىن. ءسويتىپ، باسقا قىزمەتتەرگە دە قول جەتكىزە الادى.
«ءقازىر كوپتەگەن بانكتەر push-حابارلامالارىندا ءبىر رەتتىك كودتى كورسەتەدى. سوندىقتان ونى ەكراندا كورۋ قيىن ەمەس. دەمەك، حاكەرلەر سىزدە ۇلكەن اقشا بار ەكەنىن انىقتاپ، قورعاۋدى اينالىپ ءوتىپ تەوريالىق تۇردە بىلە الادى. ءبىز سىزگە سمارتفونداعى قوسىمشالاردى اشىق-شاشىق قالدىرماۋعا كەڭەس بەرەمىز»، - دەپ قورىتىندى جاسايدى ساراپشى.