سمايىلوۆ تاماقتىڭ باعاسىنا جاۋاپتى شەنەۋنىكتەردى جازالاۋدى تاپسىردى

ازىق-تۇلىك ينفلياسياسى 20،5 پروسەنتكە جەتكەن.

ال ساۋدا كوميتەتىنىڭ ءتوراعاسىن قىزمەتىنەن بوساتپاق، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.

پرەمەر-مينيستر ءاليحان سمايىلوۆ الەۋمەتتىك ماڭىزى بار ازىق-تۇلىك باعاسىنىڭ شارىقتاۋىنا بايلانىستى اكىم ورىنباسارلارىن تارتىپتىك جازاعا تارتۋدى، ال ساۋدا كوميتەتىنىڭ ءتوراعاسىن قىزمەتىنەن بوساتۋدى تاپسىردى، دەپ حابارلايدى Sputnik قازاقستان ۇكىمەتتىڭ رەسمي سايتىنا سىلتەمە جاساپ.

بيىل ون ايدىڭ قورىتىندىسى بويىنشا ازىق-تۇلىك ينفلياسياسى 20،5 پروسەنتكە جەتكەن. سوڭعى ءبىر اپتانىڭ ىشىندە ءسابىز، كارتوپ، قانت پەن قىرىققابات ءبىرشاما ارزانداسا دا، جۇمىرتقا، ۇن، كۇرىش پەن ءسۇت تاعى قىمباتتاپ كەتتى.

پرەمەر-مينيستردىڭ ايتۋىنشا، باعا تىزبەگىن تەرگەۋ جونىندەگى وڭىرلىك كوميسسيالاردىڭ جۇمىسىنان ءالى دە ناتيجە جوق.

«بۇل اكىمدىكتەردىڭ السىزدىگىن جانە اۋىل شارۋاشىلىعى، ساۋدا جانە ينتەگراسيا مينيسترلىكتەرىنىڭ جۇمىستى ۇلەستىرە الماي وتىرعانىن كورسەتەدى. ءوز مىندەتىن تيىسىنشە ورىنداماعانى ءۇشىن ءوڭىر اكىمدەرىنىڭ وسى سالاعا جاۋاپتى ورىنباسارلارىن تارتىپتىك جاۋاپكەرشىلىككە تارتۋدى تاپسىرامىن»، دەدى سمايىلوۆ.

سونداي-اق ۇكىمەت باسشىسى ساۋدا جانە ينتەگراسيا مينيسترلىگىنە لاۋازىمدى تۇلعالاردى تارتىپتىك جاۋاپكەرشىلىككە تارتۋعا، ال ساۋدا كوميتەتىنىڭ ءتوراعاسىن قىزمەتىنەن بوساتۋعا تاپسىرما بەردى.