گاز جارىلىپ 5 جۇمىسشى قازا تاپقانىن بۇرىن حابارلاعانبىز.
قاراعاندى وبلىسىنىڭ اكىمدىگى شاحتينسكىدە قازا تاپقان كەنشىلەردىڭ ءتىزىمىن جاريالادى، دەپ حابارلايدى Almaty-akshamy.kz
قايتىس بولعاندار:
- بويچەنكو دميتريي يگوريەۆيچ، 1991 جىلى تۋعان، جەراستى بۇرعىلاۋ قوندىرعىسىنىڭ ءماشينيسى. ەڭبەك ءوتىلى – 8 جىل. مارقۇمنىڭ ارتىندا اناسى قالدى.
- سانجاروۆ اندرەي پاۆلوۆيچ، 1980 جىلى تۋعان، جەراستى بۇرعىلاۋ قوندىرعىسىنىڭ ءماشينيسى. ەڭبەك ءوتىلى – 21 جىل. مارقۇمنىڭ اتا-اناسى مەن ەكى بالاسى قالدى.
- دەنيس اناتوليەۆيچ ينكين، 1984 جىلى تۋعان، جەراستى بۇرعىلاۋ قوندىرعىسىنىڭ ءماشينيسى. اكەسى، ايەلى، قىزى جانە قامقورلىعىندا تاعى ءبىر تۋىسى بولعان.
- قاشكەي ارمان ءقادىرجان ۇلى، 1993 جىلى تۋعان، جەراستى بۇرعىلاۋ قوندىرعىسىنىڭ ءماشينيسى. ەڭبەك ءوتىلى – 8 جىل. مارقۇمنىڭ ارتىندا اتا-اناسى قالدى.
- ىنتىبەكوۆ مارعۇلان سەرىك ۇلى، 1996 جىلى تۋعان، بۇرعىلاۋ قوندىرعىسى وپەراتورىنىڭ كومەكشىسى. جۇمىس تاجىريبەسى – 2 اي. مارعۇلان سەرىك ۇلىنىڭ ارتىندا اكەسى قالدى.
«ارسەلور ميتتال تەمىرتاۋ» اق-نىڭ لەنين اتىنداعى شاحتاسىندا گاز درەناجدىق ۇڭعىمالاردى بۇرعىلاۋ كەزىندە كەنەتتەن گاز جارىلىپ، 5 جۇمىسشى قازا تاپتى. قىلمىستىق كودەكستىڭ 277-بابىنىڭ 3-بولىگى «تاۋ-كەن جۇمىستارىن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بويىنشا قىلمىستىق ءىس قوزعالدى.