پرەمەر-مينيستر ءاليحان سمايىلوۆ Qarmet كومپانياسىنىڭ اعىمداعى جۇمىسى مەن كاسىپورىندى ودان ءارى دامىتۋدىڭ وزەكتى ماسەلەلەرى قارالعان كەڭەستە كاسىپورىن جۇمىسشىلارى الدىنداعى بارلىق مىندەتتەمەلەردى ۋاقتىلى ورىنداۋ قاجەت ەكەنىن اتاپ ءوتتى، دەپ حابارلايدى اlmaty-akshamy.kz. .
ۇكىمەتتە وتكەن كەڭەستە ورتالىق مەملەكەتتىك ورگانداردىڭ ءبىرىنشى باسشىلارى جانە جاڭا ينۆەستوردىڭ قاتىسۋىمەن كاسىپورىننىڭ وپەراسيالىق پروسەستەرىن تۇراقتاندىرۋ، ونى قاجەتتى شيكىزاتپەن قامتاماسىز ەتۋ، سونداي-اق ءبىرقاتار قۇقىقتىق راسىمدەردى جۇرگىزۋ شارالارى تالقىلاندى، دەپ جازدى ۆەدومستۆونىڭ باسپا ءسوز قىزمەتى.
ودان بولەك، كومبينات جابدىقتارىن جاڭعىرتۋدى، زاماناۋي ءوندىرىس تەحنولوگيالارىن ەنگىزۋدى جانە ونەركاسىپتىك قاۋىپسىزدىك ستاندارتتارىن ارتتىرۋدى كوزدەيتىن ينۆەستيسيالىق باعدارلامانى ىسكە اسىرۋ ماسەلەلەرى قارالدى. اتاپ ايتقاندا، ءبىرىنشى كەزەڭدە وسى ماقساتتارعا شامامەن 1،3 ملرد دوللار جەكە ينۆەستيسيالار بولىنەتىن بولادى.
"پرەمەر-مينيستر كاسىپورىن جۇمىسشىلارى الدىنداعى بارلىق مىندەتتەمەلەردى ۋاقتىلى ورىنداۋ قاجەتتىگىن اتاپ ءوتتى. ۇكىمەت باسشىسى وسىعان وراي، ءوندىرىستى ودان ءارى سەرپىندى دامىتۋدىڭ، شىعارىلاتىن ءونىم كولەمىن ۇلعايتۋدىڭ جانە انىقتالعان ەكولوگيالىق زاڭناما تالاپتارىن بۇزۋشىلىقتاردى كەزەڭ-كەزەڭىمەن جويۋدىڭ ماڭىزدىلىعىن اتاپ ءوتتى"، – دەلىنگەن رەسمي حابارلامادا.
تالقىلاۋ قورىتىندىسى بويىنشا ءاليحان سمايىلوۆ ورتالىق مەملەكەتتىك ورگاندارعا اعىمداعى ماسەلەلەردى شەشۋدە كاسىپورىنعا قاجەتتى قولداۋ كورسەتۋدى جانە ينۆەستورمەن بىرلەسىپ، Qarmetء-تى دامىتۋدىڭ ءاربىر باعىتى بويىنشا ناقتى ءىس-قيمىل جوسپارىن ازىرلەۋدى تاپسىردى.