ەلدەگى ەكىنشى دەڭگەيلى بانكتەر قارجى مينيسترلىگىنىڭ كىرىس كوميتەتىنە مەملەكەتتىك قىزمەتكەرلەردىڭ جۇبايلارىنىڭ ءموبيلدى اۋدارىمدارى جايلى مالىمەت بەرە باستادى.
اقپارات بانكتەردەن كەزەڭ-كەزەڭمەن بەرىلەدى، دەپ حابارلايدى اlmaty-akshamy.kz.
1) 2023 جىلعى 1 قاڭتاردان باستاپ – مەملەكەتتىك قىزمەتشىلەر، ولارعا تەڭەستىرىلگەن ادامدار جانە ولاردىڭ جۇبايلارى بويىنشا (2022 جىلدىڭ قورىتىندىسى بويىنشا)؛
2) 2024 جىلعى 1 قاڭتاردان باستاپ – مەملەكەتتىك مەكەمەلەردىڭ، كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى جانە ولاردىڭ جۇبايلارى بويىنشا (2023 جىلدىڭ قورىتىندىسى بويىنشا)؛
3) 2025 جىلعى 1 قاڭتاردان باستاپ – دارا كاسىپكەرلەر، زاڭدى تۇلعالاردىڭ باسشىلارى جانە ولاردىڭ جۇبايلارى بويىنشا (2024 جىلدىڭ قورىتىندىسى بويىنشا)؛
4) 2026 جىلعى 1 قاڭتاردان باستاپ – حالىقتىڭ قالعان بولىگى بويىنشا (2025 جىلدىڭ قورىتىندىسى بويىنشا).
بۇگىنگى تاڭدا اقپارات تەك مەملەكەتتىك قىزمەتشىلەر، ولارعا تەڭەستىرىلگەن ادامدار جانە ولاردىڭ جۇبايلارى بويىنشا الىندى.
بۇل رەتتە جەكە تۇلعالار وزدەرىنىڭ جەكە ماقساتتارى ءۇشىن ءموبيلدى اۋدارىمدار جاساي جانە قابىلداي الادى (تۋىستارىنا، دوستارىنا اۋدارىمدار، اتا-انالار مەن بالالارعا كومەك، سونداي-اق باسقا دا ومىرلىك جاعدايلار بويىنشا).