– ءبىز ومىرىمىزدە تالاي سايلاۋدى وتكەردىك. وسىنىڭ ىشىندە حالىقتىڭ ءوزى قۇلشىنىپ ۇمتىلعان، دۇرلىگىپ ارالاسقان سايلاۋدى كورمەدىك. ويتكەنى سايلاۋ قوعامنىڭ دەموكراتيالىق ايناسىن كورسەتەدى. سايلاۋ قالاي بولسا – قوعام سولاي. قازىرگى تاڭدا دەموكراتيالىق باعىتقا قاراي بەت بۇرعاندىقتان، حالىقتا ۇلكەن ءۇمىت پەن سەنىم پايدا بولدى. ياعني، وسى كەزەڭدە ءوزىنىڭ كونستيتۋسيالىق قۇقىعىن شىن مانىندە سەزىنۋ بايقالادى. ال بۇرىن كەڭەس زامانىندا ونى اۋىزشا ايتاتىن. ءبىراق ونىڭ جالعان ەكەنى بەلگىلى بولىپ تۇراتىن. حالىقتى ىلعي دا جالعان ۇراندارعا سەندىرىپ، داۋىس بەرگىزىپ قوياتىن.
مەملەكەت باسشىسىنىڭ باستاماسىمەن وتكىزىلىپ جاتقان رەفورمالىق وزگەرىستەر حالىققا سەنىم تۋدىرا باستادى. مىنەكەي، بۇل سايلاۋدىڭ ەرەكشەلىگى – وسى. سوندىقتان دا سايلاۋعا كەلىپ، ءوز تاڭداۋىن جاساپ جاتىر. ءوزىم دە №301 ۋچاسكە ارقىلى تاڭداۋىمدى جاساعان جاعدايىم بار.
ءۇمىتىمىز زور. تاڭداعان كانديداتتار پارلامەنت مىنبەرىنەن ءبىزدىڭ ءسوزىمىزدى ايتادى دەپ سەنەمىن. تۇيىندەپ ايتقاندا، العا قويعان ماقسات-مۇراتتارىمىز ورىندالا بەرسىن.