ەلدە ۆاكسينا الماعاندارعا شەكتەۋ قويىلادى
جاڭا ەرەجە بويىنشا ۆاكسينا سالدىرماعان ادامدار ءبىرىنشى قاجەتتىلىككە جاتپايتىن تاۋارلار ساتاتىن دۇكەندەرگە، فيتنەس-زالدارعا كىرۋىنە، سپورتتىق شارالارعا قاتىسۋىنا جانە قوناق ۇيلەرگە ورنالاسۋىنا تىيىم سالىنادى، دەپ حابارلايدى Almaty-akshamy.kz 24.kz-كە سىلتەمە جاساپ.
دەنساۋلىق ساقتاۋ مينيسترلىگىنىڭ مالىمەتى بويىنشا ناۋقاستار سانى 2826 ادامعا جەتكەن. ولارعا اۋرۋحانادا ورىن جەتپەي جاتىر. بيلىك باسقا نىسانداردى جاساقتاۋعا ءماجبۇر. كوۆيد جۇقتىرعانداردىڭ 81 پروسەنتتەن استامى ەكپە سالدىرماعاندار ەكەن. مۇنداعى 5 جارىم ميلليونداي تۇرعىننىڭ 45 پروسەنتى عانا ۆاكسينا العان.
«وزدەرىڭىز كورىپ تۇرعاندارىڭىزداي، ەلدەگى ەپيداحۋال قاتتى ۋشىعىپ تۇر. اسىرەسە اۋرۋحانالارداعى جاعداي وتە قيىن. الداعى 3 اپتاعا ارناپ قاتاڭ شەكتەۋلەر ەنگىزۋىمىز كەرەك. ادامدار ۆاكسينا سالدىرۋ قاجەتتىگىن تەرەڭ ۇعىنىپ، تەزىرەك ەكپە قابىلداسا دەيمىن»، - دەيدى سلوۆاكيا پرەمەر-مينيسترى ەدۋارد حەگەر.
.