تۇركيادا ءبىرقاتار ەلدەرمەن اۋە بايلانىسى توقتاتىلدى
تۇركيا بۇگىننەن باستاپ برازيليا، وڭتۇستىك افريكا، نەپال جانە شري- لانكامەن اراداعى اۋە قاتىناسىن توقتاتتى، دەپ حابارلايدى Almaty-akshamy.kz 24.kz-كە سىلتەمە جاساپ
سەبەپ – كوروناۆيرۋستىڭ سىرتتان كەلەتىن جاڭا تۇرلەرىنەن قورعانۋ. ال مۇنداعى مەشىتتەردە ساقتىق ەرەجەلەرى ءبىر جارىم جىلدان بەرى ەندى عانا جەڭىلدەتىلدى. بۇدان بىلاي ناماز وقىعاندا ارا قاشىقتىق ساقتاۋدىڭ قاجەتى جوق. بۇل تۋرالى ەلدەگى ءدىن ىستەرى باسقارماسى مالىمدەدى.
الايدا بەتپەردە كيۋ شارت. تۇركيادا قازىرگە دەيىن 108 ميلليون دوزا ەكپە سالىنعان. 18 جاستان اسقان تۇرعىنداردىڭ 80 پروسەنتى ۆاكسينا الدى. مۇندا covid-19-عا قارسى Pfizer / BioNTech مەن قىتايلىق Sinovac پەرپاراتى قولدانىلادى. تۇركيالىق دارىگەر يفتيحار كوكسالدىڭ ايتۋىنشا، ەكپە سالدىرماۋدىڭ كەسىرى ۇجىمدىق يممۋنيتەتتى قالىپتاستىرۋعا كەدەرگى بولىپ تۇر. ال ءقاۋىپتى ىندەتكە ۇجىمدىق يممۋنيتەت قالىپتاستىرۋ ءۇشىن جالپى حالىقتىڭ 80 پروسەنتى ۆاكسينا سالدىرۋى ءتيىس.