حالىقتىڭ كوشى-قونى سالاسىنداعى زاڭناماعا وزگەرىستەر مەن تولىقتىرۋلار ەنگىزىلەدى
پارلامەنت ءماجىلىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلايتىن بولادى. بۇل قۇجاتتا بالالارعا زورلىق-زومبىلىق كورسەتكەندەر مەن تەرروريزمگە قاتىستىلاردىڭ ەلگە كەلۋىنە تىيىم سالۋ ەسكەرىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
زاڭ جوباسىن ءبىر توپ دەپۋتات حالىقتىڭ كوشى-قون تۋرالى زاڭىنىڭ جانە قولدانىستاعى وزگە دە زاڭداردى جەتىلدىرۋ ماقساتىندا ازىرلەدى.
«زاڭ جوباسى كوشى-قون سالاسىنداعى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ ءتارتىبىن ايقىنداۋ، كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستار ءۇشىن سوتتالعانداردىڭ ءبىزدىڭ ەلگە كەلۋىن، قازاقستان رەسپۋبليكاسىنىڭ ازاماتتىعىن الۋىن شەكتەۋ، ەكسترەميستىك نەمەسە تەرروريستىك ارەكەتكە قاتىسى بار شەتەلدىكتەرگە ەلىمىزگە كەلۋىنە تىيىم سالۋ، توتەنشە جاعدايلاردا قولدانىلۋ مەرزىمى وتكەن قۇجاتتاردى پايدالانۋ ماسەلەلەرىن رەتتەۋ جانە باسقا تۇزەتۋلەردى كوزدەيدى»، - دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ حاتشىسى، دەپۋتات سنەجاننا يماشيەۆا.