بۇل تۋرالى ءانشىنىڭ "قازاقكونسەرت" باسشىسى جەڭىس سەيدوللاۇلىمەن كەزدەسۋىندە بەلگىلى بولدى.
«سلاۆيان بازارى-2021» حالىقارالىق بايقاۋىنىڭ جەڭىمپازى رۋحيا بايدۇكەنوۆا "قازاقكونسەرت" ءسوليسى اتاندى، دەپ حابارلايدى Almaty-akshamy.kz
«ايقىن» باسىلىمنىڭ اقپاراتى بويىنشا، جەڭىس سەيدوللا ۇلى رۋحيانى ونەر جولىنداعى جەتىستىكتەرىمەن قۇتتىقتاپ، جاس ءانشىنىڭ الداعى جوسپارلارىمەن تانىستى.
"قازاقكونسەرتتىڭ" ءانشىسى بولۋ – بالا كۇنگى ارمانىم. روزا باعلانوۆا، جامال وماروۆا، جۇسىپبەك ەلەبەكوۆ، ماناربەك ەرجانوۆ سياقتى ەسىمدەرى ەل تاريحىندا التىن ارىپتەرمەن جازىلعان اتاقتى تۇلعالاردىڭ ءىزى قالىپ، سارا تىنىشتىعۇلوۆا، التىنبەك قورازبايەۆ، روزا رىمبايەۆا، ماقپال ءجۇنىسوۆا، ديماش قۇدايبەرگەن سىندى ونەر جۇلدىزدارى ەڭبەك ەتىپ جۇرگەن ونەر ورداسىنىڭ ءسوليسى بولۋ – مەن ءۇشىن ۇلكەن مارتەبە. الداعى ماقساتىم – قازاقستاننىڭ مادەنيەتىن جانە "قازاقكونسەرتتىڭ" اتىن الەمگە تانىتۋ"، – دەدى رۋحيا بايدۇكەنوۆا.