ەۆگەنيي زينيچيەۆ قىزمەتتىك مىندەتىن ورىنداۋ بارىسىندا كوز جۇمعان.
رەسەيدىڭ توتەنشە جاعدايلار ءمينيسترى ەۆگەنيي زينيچيەۆ قىزمەتتىك مىندەتىن ورىنداۋ بارىسىندا كوز جۇمدى، دەپ حابارلادى Almaty-akshamy.kz Almaty.tv سىلتەمە جاساپ.
رەسمي مالىمەتكە سايكەس، مينيستر ۆەدومستۆوارالىق وقۋ-جاتتىعۋلارى كەزىندە ادامدى قۇتقارامىن دەپ قايتىس بولدى.
«رەسەيدىڭ توتەنشە جاعدايلار مينيسترلىگى ەۆگەنيي زينيچيەۆتىڭ قىزمەتتىك مىندەتىن ورىنداۋ كەزىندە وپات بولعانىن قايعىرىپ حابارلايدى. ول اركتيكالىق ايماقتا توتەنشە جاعدايلاردان قورعانۋ بويىنشا ۆەدومستۆوارالىق وقۋ-جاتتىعۋعا قاتىسىپ، ادام ءومىرىن قۇتقارۋعا تىرىسقان»، – دەلىنگەن رەسمي حابارلامادا.
ەۆگەنيي زينيچيەۆ 1966 جىلى لەنينگرادتا دۇنيەگە كەلگەن. سانكت-پەتەربۋرگتىڭ بيزنەس جانە قۇقىق ينستيتۋتىنىڭ «قارجى جانە كرەديت» فاكۋلتەتىن ءتامامداعان.
1984-1986 جىلدارى كسرو قارۋلى كۇشتەرى قاتارىندا سولتۇستىك فلوتتا مەرزىمدى اسكەري بورىشىن وتەپ كەلگەن.
1987-2015 جىلدارى مەملەكەتتىك قاۋىپسىزدىك ورگاندارىندا جۇمىس ىستەدى.
2013 جىلى رەسەي فەدەراسياسىنىڭ قارۋلى كۇشتەرى باس شتابىنىڭ اسكەري اكادەمياسىندا كاسىبي قايتا دايارلاۋدان ءوتتى.