الماتى دارىگەرلەرى 70 جاسقا دەيىنگى بارلىق قالا تۇرعىندارىن سكرينگينگتىك تەكسەرۋدەن وتۋگە شاقىرادى.
وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الماتى قالاسىنداعى №21 قالالىق ەمحانانىڭ پروفيلاكتيكا جانە الەۋمەتتىك-پسيحولوگيالىق كومەك كورسەتۋ ءبولىمىنىڭ مەڭگەرۋشىسى قوناي بەسبايەۆتىڭ ايتۋىنشا، بۇل سكرينينگتىك تەكسەرۋ كوپتەگەن اۋرۋلاردى ەرتەرەك انىقتاۋعا، دەر كەزىندە ەمدەۋدى تاعايىنداۋعا جانە ءومىردى ساقتاۋعا مۇمكىندىك بەرەدى، دەپ حابارلايدى اlmaty-akshamy.kz
سكرينينگ ناقتى اۋرۋلار بويىنشا جانە ەكى جاس ساناتى بويىنشا جۇرگىزىلەدى. بالالار 0-دەن 18 جاسقا دەيىن، ال ەرەسەكتەر 30-دان 70 جاسقا دەيىن سكرينينگتەن وتەدى.
«بالالار كامەلەتكە تولعانعا دەيىن جىل سايىن پروفيلاكتيكالىق تەكسەرۋدەن وتەدى. مەكتەپكە دەيىنگى مەكەمەلەردىڭ تاربيەلەنۋشىلەرى، مەكتەپ وقۋشىلارى، ورتا ارناۋلى وقۋ ورىندارىنىڭ ستۋدەنتتەرى جانە 18 جاسقا تولماعان ستۋدەنتتەر ءبىلىم بەرۋ ۇيىمدارىندا جىلجىمالى توپ بارعان كەزدە تەكسەرىلەدى. مەكتەپكە دەيىنگى مەكەمەلەرگە بارمايتىن بالالاردى تەكسەرۋ ەمحانادا نەمەسە وتباسىلىق دەنساۋلىق ورتالىعىندا جۇرگىزىلەدى»، - دەدى سپيكەر.
دارىگەر ەشقانداي بەلگىلەر بولماعان جاعدايدا دا تەكسەرۋ جۇرگىزىلەتىنىن ايتتى. بۇل ادامنىڭ دەنساۋلىعىنا قاتىستى سەنىمدى بولۋ ءۇشىن جاسالادى. ول سونداي-اق سكرينينگ پروسەدۋراسى تۋرالى ەگجەي-تەگجەيلى ءتۇسىندىردى.
«سكرينينگتەن ءوتۋ ءۇشىن، تۇرعىلىقتى جەرى نەمەسە تىركەلگەن جەرى بويىنشا ەمحاناعا حابارلاسۋ قاجەت. ول ءۇشىن ءاربىر العاشقى مەديسينالىق-سانيتارلىق كومەك قىزمەتىندە سكرينينگتىك كابينەتتەر بار. وزىڭىزبەن بىرگە جەكە كۋالىك بولۋى كەرەك. ناۋقاس مىنەز-قۇلىق فاكتورلارىن، گيپەرتونيانى، جۇرەكتىڭ يشەميالىق اۋرۋىن، قانت ديابەتىن جانە گلاۋكومانى ەرتە انىقتاۋ ءۇشىن سكرينينگتىك كابينەتتە تەكسەرىلگەننەن كەيىن ونكوپاتولوگياعا تەكسەرىلەدى، ەگەر ول جاسىنا بايلانىستى سكرينينگتىڭ وسى تۇرىنە جاتاتىن بولسا، جاسالادى»، - دەپ جالعاستىردى ق.بەسبايەۆ.
سونىمەن قاتار، سكرينينگتىك زەرتتەۋدىڭ سوڭىندا دارىگەر مامانداردىڭ قورىتىندىسىن جانە زەرتحانالىق دياگنوستيكالىق زەرتتەۋلەردى ەسكەرە وتىرىپ، ديناميكالىق باقىلاۋ توپتارىن انىقتايدى.
بريفينگ سوڭىندا سپيكەر اۋداندىق بولىمدەر مەن دارىگەرلەر بارلىق پروفيلاكتيكالىق تەكسەرۋلەردى ءبىر جىلعا جوسپارلاپ وتىرعانىن جەتكىزدى.
«ماسەلەن، ءقازىر قاراشا-جەلتوقسان ايى كەلىپ قالدى جانە ءبىز ءقازىردىڭ وزىندە 2023 جىلى پروفيلاكتيكالىق تەكسەرۋدەن ءوتۋى ءتيىس ادامداردى جوسپارلاپ جاتىرمىز. تيىسىنشە، ءبىز وسى ادامداردىڭ بارلىعىن حاباردار ەتەمىز، ياعني ءبىز قوڭىراۋ شالىپ، SMS جىبەرەمىز. ەگەر سىزگە ەشكىم قوڭىراۋ شالىپ، حاباردار ەتپەسە، ءسىز جاي عانا تىركەلگەن ەمحاناعا بارىپ، سول جەردە تەكسەرىلە الاسىز»، - دەپ تۇيىندەدى سپيكەر.
ايتا كەتەيىك، كورسەتىلىمدەر تولىقتاي تەگىن. پروفيلاكتيكالىق تەكسەرۋلەردى قارجىلاندىرۋ ءمامس ەسەبىنەن جۇزەگە اسىرىلادى، سوندىقتان سكرينينگتەن ءوتۋ ءۇشىن ساقتاندىرۋ مارتەبەسى بولۋى قاجەت.