جالپىقالالىق سەيسموجاتتىعۋ 2 جەلتوقسانعا جوسپارلانىپ وتىر
الداعى ءىس-شارا تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى توتەنشە جاعدايلار جونىندەگى دەپارتامەنتى باسشىسىنىڭ م.ا. ەرلان الىبەكوۆ ايتتى. مەگاپوليس تۇرعىندارى مەن قوناقتارىنا تۇسىنىستىكپەن قاراپ، سابىرلىق ساقتاۋدى سۇرايدى، دەپ حابارلايدى اlmaty-akshamy.kz.
ەرلان الىبەكوۆ وسى جۇمادا ساعات 11:00-دە الماتىدا جوسپارلى جالپىقالالىق سەيسميكالىق وقۋ-جاتتىعۋ وتەتىنىن ايتتى. ول جىلىنا ءبىر رەت وتكىزىلەدى. توقسان سايىن قالا ۇيىمدارىندا سەيسميكالىق وقۋ-جاتتىعۋلار وتكىزىلسە، بيىلدىڭ وزىندە 3،5 مىڭنان استام سەيسميكالىق وقۋ-جاتتىعۋلار وتكىزىلدى.
توتەنشە جاعدايلار دەپارتامەنتىنىڭ وكىلى جالپىقالالىق سەيسميكالىق جاتتىعۋعا الدىن الا دايىندالا باستاعانىن ايتتى. ماسەلەن، بۇگىننەن باستاپ تەلەارنالار مەن راديوارنالاردا حابارلاندىرۋ باستالادى، الماتىلىقتار وقۋ-جاتتىعۋعا قاتىستى ەۆاكۋاسيالاۋ تۋرالى اقپاراتتاندىرىلادى، ۇسىنىستار بەرىلدى.
«سەيسميكالىق وقۋ-جاتتىعۋ كۇنى تەلە جانە راديوارنالار سيرەنالىق قوندىرعىلاردى ىسكە قوسۋ ارقىلى قالالىق ەسكەرتۋ جۇيەسى ىسكە قوسىلادى، «دارمەن» ءموبيلدى قوسىمشاسى ارقىلى push-حابارلامالار جىبەرىلەدى»، - دەدى ە.الىبەكوۆ.
سەيسميكالىق وقۋ-جاتتىعۋ بويىنشا نەگىزگى وقۋ ورنى ادك ساۋدا ويىن-ساۋىق كەشەنى بولىپ بەلگىلەندى، وندا شاتىرلى لاگەر، دالا اسحاناسى، تاماقتانۋ جانە ازىق-تۇلىكپەن قامتاماسىز ەتەتىن پۋنكتتەر، حالىقتى ۋاقىتشا ورنلاستىرۋ جانە تىركەۋ ورىندارى جايىلادى.
توتەنشە جاعدايلار دەپارتامەنتىنىڭ سپيكەرى ازاماتتىق قورعاۋ قىزمەتىنىڭ بارلىق جەكە قۇرامى ادامداردى قۇتقارۋ جانە ەۆاكۋاسيالاۋ، قيراندىلاردان زارداپ شەككەندەردى شىعارۋ، ءورتتى ءسوندىرۋ، العاشقى مەديسينالىق كومەك كورسەتۋ بويىنشا ءىس-شارالاردى ءىس جۇزىندە پىسىقتايتىنىن حابارلادى.
سونىمەن قاتار، جەر سىلكىنىسى كەزىندە حالىقتىڭ ىس-ارەكەتى بويىنشا جادىنامالار تاراتا وتىرىپ، سونداي-اق تج جاعدايىنا دابىل دورباسى جاساقتاۋ بويىنشا وقىتۋ ترەنينگتەرى وتكىزىلەتىن بولادى. قالادا شارتتى تۇردە باسپاناسىز قالعان ادامدارعى 384 قابىلداۋ پۋنكتى ءىس جۇزىندە ورنالاستىرىلادى.
بارلىق ءبىلىم بەرۋ، دەنساۋلىق ساقتاۋ نىساندارى جانە قالادا ادامدار جاپپاي بولاتىن (وسس، ساۋدا ورتالىعى، ءسۇ) ەۆاكۋاسيالاۋ ءۇشىن وقۋ ەلەمەنتتەرى ازىرلەنەدى، وندا تجد قىزمەتكەرلەرى ادىستەمەلىك كومەك كورسەتەدى جانە جادىنامالار تاراتۋدى ۇيىمداستىرادى جانە جەر سىلكىنىسى كەزىندەگى 10 قاراپايىم قادام» جادىناما ۇيىمداستىرادى».
«سەيسميكالىق جاتتىعۋ سۋىق مەزگىلدە جۇرگىزىلىپ جاتقاندىقتان، تۇرعىنداردى جىلى كيىنىپ ەۆاكۋاسيالاۋدى سۇرايمىز. سەيسميكالىق وقۋ-جاتتىعۋدىڭ نەگىزگى ماقساتى – قالا تۇرعىندارىنىڭ توتەنشە جاعداي كەزىندەگى ءىس-قيمىلدارعا دايىندىق دەڭگەيىن ارتتىرۋ، تۇرعىندار ەۆاكۋاسيالاۋ جولدارىن، ءقاۋىپسىز جەرلەردى الدىن الا انىقتاپ، اپاتتىق چەمودانداردى دايىنداۋ»، – دەيدى ە.الىبەكوۆ.
سونداي-اق ول ءقاۋىپسىز ورىندار ەلەكتر جەلىلەرى مەن عيماراتتاردان الىس اشىق جەرلەر ەكەنىن ءتۇسىندىردى.
ەسكە سالايىق، الماتى قالاسى 9-10 باللدىق سەيسميكالىق ايماقتا ورنالاسقان. جىل سايىن قالادا 200-گە دەيىن ءالسىز، سەزىلمەيتىن جەر سىلكىنىسى بولادى. بۇل رەتتە كۇشى 2-دەن 4 باللعا دەيىنگى جەر سىلكىنىسى الماتى ءۇشىن فوندىق رەجيم بولىپ تابىلادى. سەيسمولوگيا ينستيتۋتىنىڭ بولجام كوميسسياسىنىڭ مالىمەتىنشە، جىل سوڭىنا دەيىن قالادا 7 جانە ودان دا كوپ باللدىق جەر سىلكىنىسى كۇتىلمەيدى. سوندىقتان جۇرگىزىلىپ جاتقان قالالىق سەيسميكالىق دايىندىق جەر سىلكىنىسىن كۇتۋمەن بايلانىستى ەمەس