8 پايىزعا دەيىن تومەندەيدى.
ەۋرازيالىق دامۋ بانكى 2023 جىلى قازاقستاندا ينفلياسيا قارقىنى باسەڭدەيتىنىن جاريالادى. بۇل تۋرالى اتالعان بانكتىڭ 2023 جىلعا ارنالعان ماكروەكونوميكالىق بولجامىن تانىستىرۋ كەزىندە ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىزدىڭ باعالاۋىمىزعا قاراعاندا، ينفلياسيا 2023 جىلدىڭ باسىنداعى شامامەن 19 پايىزدان 2023 جىلدىڭ جەلتوقسانىندا 8 پايىزعا دەيىن تومەندەيدى. ينفلياسيا باسەڭدەۋى مۇمكىن، دەگەنمەن ينفلياسيا تاۋەكەلى ءالى دە جوعارى دەپ ەسەپتەيمىز. بۇعان نەگىزىنەن سىرتقى سەكتور ىقپال ەتەدى. وسىعان وراي قازاقستان ۇلتتىق بانكى بازالىق مولشەرلەمەنى 2023 جىلدىڭ ءبىرىنشى جارتىجىلدىعىندا شامامەن 16 پايىز دەڭگەيىندە ساقتايدى دەپ ويلايمىز. ودان ءارى ينفلياسيانىڭ تۇراقتى باسەڭدەۋى جاعدايىندا جانە سىرتقى ينفلياسيالىق قىسىمنىڭ السىرەۋىنە قاراي مولشەرلەمە 2023 جىلدىڭ ەكىنشى جارتىسىندا تومەندەي باستاۋى مۇمكىن»، - دەدى اناليتيكالىق جۇمىس ديرەكسياسىنىڭ ەلدەر بويىنشا تالداۋ جۇرگىزۋ ورتالىعىنىڭ اعا تالداۋشىسى ايگۇل بەردىعۇلوۆا.
بۇعان دەيىن حابارلانعانداي، بيىل قازان ايىندا ۇلتتىق بانك بازالىق مولشەرلەمەنى 16%-عا دەيىن كوتەردى.
قازان ايىنىڭ قورىتىندىسى بويىنشا ينفلياسيا 18،8 پايىزعا جەتتى.