بۇل تۋرالى ءماسليحاتتىڭ VII سەسسياسىندا الماتى قالاسى قارجى باسقارماسىنىڭ باسشىسى قانات سۋحامبەكوۆ مالىمدەدى. ونىڭ ايتۋىنشا، دەنساۋلىق ساقتاۋ سالاسىنا قوسىمشا 3،8 ملرد تەڭگە ءبولۋ ۇسىنىلادى، بۇل قاراجاتتىڭ ءبىر بولىگى ورفاندىق اۋرۋلارى بار ادامداردىڭ قاجەتتىلىكتەرىنە باعىتتالادى، دەپ حابارلايدى almaty-akshamy.kz
«سيرەك كەزدەسەتىن (ورفاندىق) اۋرۋلاردىڭ 8 ءتۇرى بويىنشا 553 پاسيەنتتى تەگىن دارىلىك زاتتارمەن قامتاماسىز ەتۋ ءۇشىن 495،3 ملن تەڭگە قاراستىرىلعان»، - دەپ ناقتىلادى قانات سۋحامبەكوۆ.
2017 جىلدان باستاپ جەرگىلىكتى بيۋدجەت ەسەبىنەن دارى-دارمەكپەن قامتاماسىز ەتۋدى قاجەت ەتەتىن ورفاندىق اۋرۋلارى بار ناۋقاستاردىڭ سانى 40 ەسەدەن استام ءوستى. 2017-2022 جىلدار كەزەڭىندە قارجىلاندىرۋ سوماسى 8 ەسەگە ارتتى جانە ءوسۋىن جالعاستىرۋدا.
الماتىدا 5 دەنساۋلىق ساقتاۋ نىسانىنىڭ قۇرىلىسىن باستاۋ جوسپارلانۋدا، جوبالىق-سمەتالىق قۇجاتتامانى ازىرلەۋگە 158،3 ملن تەڭگە قاراستىرىلعان.
ورتالىقتاندىرىلعان زارارسىزداندىرۋ بولىمشەلەرىن جاراقتاندىرۋ ءۇشىن مەديسينالىق جابدىقتاردى ساتىپ الۋ ءۇشىن 12 مەديسينالىق ۇيىمعا جالپى سوماسى 2،3 ملرد تەڭگە بولاتىن ۇيىمعا قاراجات بولىنەدى.