«الماتى كولىك حولدينگى» ج ش س اقپاراتى بويىنشا، قالالىق قوعامدىق كولىكتى پايدالاناتىن جولاۋشىلاردىڭ 97%-ى جول اقىسىن قولما-قول اقشاسىز تاسىلمەن – «وڭاي» كارتالارىمەن، ونىڭ ىشىندە «وڭاي» قوسىمشاسىنداعى ۆيرتۋالدى كارتالارمەن، سونداي-اق QR نەمەسە SMS ارقىلى تولەيدى، دەپ حابارلايدى almaty-akshamy.kz
وسىلايشا، الماتى جولاۋشىلارىنىڭ كوپشىلىگى ءۇشىن قولما-قول اقشاسىز تولەم كەزىندە جول ءجۇرۋ اقىسىن 100 تەڭگەگە دەيىن ارتتىرۋ 20 تەڭگەنى قۇرايدى. بۇل رەتتە بارلىق جەڭىلدىكتى ساناتتار ساقتالادى جانە ولار ءۇشىن جول ءجۇرۋ قۇنى تەك 10 تەڭگەگە دەيىن ۇلعايادى.
الماتىدا قوعامدىق كولىك ءۇشىن جول ءجۇرۋدىڭ قولدانىستاعى قۇنى 2012 جىلى بەلگىلەندى. سودان بەرى تاسىمالداۋ شىعىندارىنىڭ بىرنەشە ەسە ارتۋىنا، سونداي-اق ديزەل وتىنى مەن گاز باعاسىنىڭ وسۋىنە قاراماستان، تاريف 80 تەڭگە دەڭگەيىندە ساقتالدى.
مىسالى، 11 جىل بۇرىن ديزەل وتىنىنىڭ قۇنى 90 تەڭگەنى، ال بۇگىنگى كۇنى 295 تەڭگەنى، ال گازدىڭ قۇنى بۇرىن 33 تەڭگەنى، ال بۇگىنگى كۇنى 108 تەڭگەنى قۇرادى. اۆتوبۋستاردىڭ قۇنىن قوسا العاندا، قالعان شىعىندار بويىنشا دا وسىنداي جاعداي. تاسىمالداۋشىلار جاڭا اۆتوبۋستار ساتىپ الۋدا، جاڭا مارشرۋتتار اشىلۋدا، قولدانىستاعىلار جاڭعىرتىلۋدا. وسىعان بايلانىستى اعىمداعى جىلى جول ءجۇرۋ قۇنىن ارتتىرۋ قاجەتتىلىگى تۋىندايدى.
جىل سايىن الماتى اكىمدىگى الەۋمەتتىك ماڭىزى بار قالالىق اۆتوبۋس مارشرۋتتارىن سۋبسيديالاۋعا قاراجات بولەدى جانە وسى ۋاقىت ىشىندە قوعامدىق كولىكتە جول ءجۇرۋ قۇنى مەملەكەتتىك سۋبسيديالار ەسەبىنەن قولداۋ تاپتى. ولارسىز ءتاريفتىڭ قۇنى اعىمداعى جىلى تاريفتەردى ەسەپتەۋ ادىستەمەسىنە سايكەس 425 تەڭگەنى قۇرايتىن ەدى.
بۇل شىعىندار كورسەتىلەتىن قىزمەتتەردىڭ ساپاسىنا تىكەلەي اسەر ەتەدى، ويتكەنى تۇسەتىن قاراجات تاسىمالداۋشىلاردىڭ بارلىق شىعىندارىن وتەمەيدى. رەنتابەلدىلىگى تومەن بولعاندىقتان، كومپانيالار جاڭا جىلجىمالى سوستاۆتى ساتىپ الۋعا جانە اۆتوپاركتەرىن جاڭارتۋعا مۇددەلى ەمەس. بۇل اۆتوبۋستاردىڭ جەتىسپەۋشىلىگىنە جانە قولدا باردىڭ توزۋىنا تىكەلەي اسەر ەتەدى.
بۇل رەتتە بۇگىنگى تاڭدا ءاربىر اۆتوبۋستىڭ قوزعالىسىن باقىلاۋعا، قوعامدىق كولىك جۇمىسىنىڭ ءارتۇرلى كريتەرييلەرى بويىنشا ەسەپ جۇرگىزۋگە مۇمكىندىك بەرەتىن اۆتوماتتاندىرىلعان جۇيەلەر ەنگىزىلدى. ناتيجەسىندە الماتى اگلومەراسياسى اياسىندا كولىكتى سيفرلاندىرۋ جانە جولاۋشىلاردىڭ كوشى-قونىن انىقتاۋ مۇمكىن بولدى.
جىل سايىن تاسىمالداۋشىلار جاڭا جىلجىمالى بىرلىكتەردى ساتىپ الادى، ولار سوڭعى جىلدارى بىرنەشە رەت قىمباتتادى. اعىمداعى جىلى كوممۋنالدىق اۆتوپارك 600 اۆتوبۋس پەن 100 تروللەيبۋسقا شارت جاساستى.