بۇل تۋرالى ءماسليحاتتىڭ VII سەسسياسىندا الماتى اكىمىنىڭ ورىنباسارى اسقار ءامرين مالىمدەدى، دەپ حابارلايدى almaty-akshamy.kz
ول ءوز سوزىندە الماتى رەسپۋبليكا بيۋدجەتى ءۇشىن نەگىزگى دونورلاردىڭ ءبىرى بولىپ قالا بەرەتىنىن ەرەكشە اتاپ ءوتتى. الماتى بىرنەشە جىلدان بەرى رەسپۋبليكالىق بيۋدجەتكە بەرىلەتىن سالىق تۇسىمدەرى بويىنشا كوشباسشىلاردىڭ ءبىرى بولىپ كەلەدى.
«2023 جىلى مەملەكەتتىك بيۋدجەتكە تۇسەتىن قارجى كولەمى شامامەن 3 ترلن تەڭگەنى قۇرادى، ونىڭ ىشىندە رەسپۋبليكالىق بيۋدجەتكە 2،1 ترلن تەڭگە نەمەسە 72%. قالانىڭ جەرگىلىكتى بيۋدجەتىنە تۇسەتىن تۇسىمدەر 129%-عا اسىرا ورىندالدى جانە 843 ملرد تەڭگەنى قۇرادى»، - دەدى اسقار ءامرين دەپۋتاتتارعا.
كىرىستەر ءوسۋىنىڭ جوعارى قارقىنىن ەسكەرە وتىرىپ، مەگاپوليس ءۇشىن جالپى سوماسى 81،9 ملرد تەڭگەگە نەگىزگى جوبالاردى قوسىمشا قارجىلاندىرۋعا مۇمكىندىك تۋدى.