پرەمەر-مينيستر ولجاس بەكتەنوۆ ۇكىمەت وتىرىسى كەزىندە ماڭىزدى قوڭىراۋ قابىلداپ، ۇكىمەت وتىرىسىنان شىعىپ كەتتى، دەپ حابارلايدى اqshamnews.kz ءتىلشىسى.
ۇكىمەتتىڭ سەيسەنبى كۇنى ساعات 10:00-دە باستالعان وتىرىسى كەزىندە كۇتپەگەن جاعداي بولدى. پرەمەر-مينيستر ولجاس بەكتەنوۆكە ۇكىمەتتىك بايلانىس تەلەفونىنا قوڭىراۋ ءتۇستى.
وتىرىستىڭ باسىندا بەكتەنوۆ جاڭادان تاعايىندالعان وقۋ-اعارتۋ ءمينيسترى جۇلدىز سۇلەيمەنوۆانى تانىستىرىپ، ونىڭ كونستيتۋسياعا انت بەرۋ ءراسىمىن وتكىزدى. ءدال وسى ساتتە پرەمەردىڭ ۇكىمەتتىك بايلانىس تەلەفونى شىرىلداپ، بەكتەنوۆ قوڭىراۋعا جاۋاپ بەرىپ، زالدان شىعىپ كەتتى.
جيىندى ۋاقىتشا ءبىرىنشى ۆيسە-پرەمەر رومان سكليار جۇرگىزدى. ول مينيسترلەردىڭ كۇن تارتىبىندەگى بايانداماسىن جالعاستىرىپ، دەنساۋلىق ساقتاۋ ءمينيسترى اقمارال ءالنازاروۆانى تريبۋناعا شاقىردى.
ولجاس بەكتەنوۆ زالعا كوپ كىدىرمەي، شامامەن 12ء-شى مينۋتتا قايتا ورالدى.
مۇنداي جاعدايلار سيرەك كەزدەسەدى، ادەتتە پرەمەر-مينيستر وتىرىستى تولىق ءوزى باسقارادى. ساراپشىلاردىڭ پىكىرىنشە، بۇل قوڭىراۋ اسا ماڭىزدى بولعان بولۋى مۇمكىن، سەبەبى زالداعى تەلەفون بايلانىسى مەملەكەت باسشىسىمەن جانە جوعارى دەڭگەيدەگى شۇعىل بايلانىس ءۇشىن قولدانىلادى.
ايتا كەتەيىك، بۇعان دەيىن، 29 قىركۇيەكتە پرەزيدەنت قاسىم-جومارت توقايەۆ بۇرىنعى وقۋ-اعارتۋ ءمينيسترى عاني بەيسەمبايەۆتى قىزمەتىنەن بوساتىپ، ونىڭ ورنىنا جۇلدىز سۇلەيمەنوۆانى تاعايىنداعان ەدى.