يراندا كوپ جىلدار بويى قىزۋ پىكىرتالاس پەن نارازىلىقتارعا سەبەپ بولعان مىندەتتى حيدجاب تاعۋ ماسەلەسىندە ماڭىزدى وزگەرىس قابىلداندى، دەپ حابارلايدى اqshamnews.kz ءتىلشىسى. قاتاڭ ەرەجەلەر جەڭىلدەتىلىپ، ايەلدەرگە قاتىستى بۇرىنعى شەكتەۋلەردىڭ كۇشى جويىلدى.
يراننىڭ ماقساتقا سايكەستىك كەڭەسىنىڭ مۇشەسى موحاممادرەزا باحوناردىڭ مالىمدەۋىنشە، ەندى حيدجابتى مىندەتتى تۇردە تاعۋ تالابى جوق. ونىڭ ايتۋىنشا، حيدجاب كيمەيتىن ايەلدەرگە ايىپپۇل دا، جازا دا، زاڭدىق شەكتەۋلەر دە قولدانىلمايدى.
بۇل شەشىمنەن كەيىن ەلدىڭ كوشەلەرى مەن قوعامدىق ورىندارىندا حيدجابسىز جۇرگەن ايەلدەردى جيىرەك كورۋگە بولادى. الەۋمەتتىك جەلىدە ايەلدەردىڭ ەركىن ءجۇرىپ-تۇرۋىن كورسەتەتىن بەينەجازبالار جىلدام تارالىپ، قىزۋ تالقىعا ءتۇستى.
بۇعان دەيىن نە بولدى؟
يراندا حيدجاب زاڭىنا قارسى نارازىلىقتار 2022 جىلى ەرەكشە ءورشىپ كەتكەن بولاتىن. سول كەزدە 22 جاستاعى ماحسا اميني ەسىمدى جاس قىز "دۇرىس كيىنبەدى" دەگەن ايىپپەن "ار-نامىس پوليسياسى" تاراپىنان ۇستالعان سوڭ كوز جۇمعان. بۇل وقيعا بۇكىل ەلدى ءدۇر سىلكىندىرىپ، ايەلدەر كوپشىلىك الدىندا حيدجابتارىن شەشىپ، ءتىپتى وز-وزدەرىن ورتەۋگە دەيىن بارعان. اكسيالاردى باسۋ كەزىندە 550-دەن اسا ادام قازا تاۋىپ، مىڭداعان ازامات تۇتقىندالعان ەدى.
سول نارازىلىقتار كەزىندە تەگەرانداعى يسلام ۋنيۆەرسيتەتىنىڭ ستۋدەنت قىزدارىنىڭ ءبىرى قۋدالاۋدان قاشىپ، ءتىپتى كوشەدە ءىش كيىممەن جۇرگەن ەدى.
يرانداعى بۇل جاڭا شەشىم ايەلدەر قۇقىعى مەن ەركىندىگى تۇرعىسىنان تاريحي قادام رەتىندە باعالانىپ جاتىر.