كۇندىز بۇرشاق ءتۇسۋى ىقتيمال
سولتۇستىك قازاقستان وبلىسىنىڭ باسىم بولىگىندە جانە پەتروپاۆلدا جاڭبىر جاۋادى. وبلىستىڭ سولتۇستىگىندە، باتىسىندا، وڭتۇستىگىندە نايزاعاي ويناپ، كۇندىز بۇرشاق ءتۇسۋى، داۋىل تۇرۋى ىقتيمال، دەپ حابارلايدى Almaty-akshamy.kz "قازگيدرومەت" رمك-گە سىلتەمە جاساپ.
باتىس قازاقستان وبلىسىنىڭ شىعىسىندا نايزاعاي وينايدى. وبلىستىڭ وڭتۇستىك-باتىسىندا +35°C دەيىن قاتتى ىستىق بولادى.
كۇندىز قىزىلوردا وبلىسىنىڭ ورتالىعىندا شاڭدى داۋىل بولادى دەپ كۇتىلەدى. سولتۇستىك-شىعىستان سوققان جەل باتىسقا ويىسىپ، كۇندىز وبلىس ورتالىعىنداعى ەكپىنى 15-20 م/س قۇرايدى، وبلىستىڭ باسىم بولىگىندە جانە قىزىلوردادا توتەنشە ءورت ءقاۋپى ساقتالادى. قىزىلوردادا كۇندىز سىناپ باعانى +42...44°C كورسەتەدى.
ۇلىتاۋ وبلىسىنىڭ باتىسى مەن سولتۇستىگىندە وڭتۇستىك-باتىستان وڭتۇستىك-شىعىسقا ويىسا جەل سوعادى، ەكپىنى 15-20 م/س جەتەدى، كۇندىز وبلىستىڭ باسىم بولىگىندە +35...+39°C، وبلىستىڭ وڭتۇستىگىندە +40...+42°C قاتتى ىستىق ساقتالادى.
كۇندىز قاراعاندى وبلىسىنىڭ باتىسىندا سولتۇستىك-شىعىستان جەل سوعىپ، وڭتۇستىك-باتىسقا ويىسادى، ەكپىنى 15-20 م/س جەتەدى، كۇندىز وبلىستىڭ وڭتۇستىگىندە +35°C قاتتى ىستىق بولادى دەپ كۇتىلەدى.
اتىراۋ وبلىسىنىڭ شىعىسىندا، سولتۇستىگىندە جانە ورتالىعىندا جانە اتىراۋ قالاسىندا نايزاعاي وينايدى دەپ كۇتىلەدى. سولتۇستىكتەن جەل سوعادى، نايزاعاي كەزىندەگى ەكپىنى 15-20 م/س قۇرايدى، كۇندىز وبلىستىڭ وڭتۇستىگىندە +36°س قاتتى ىستىق ساقتالادى.
اقتوبە وبلىسىنىڭ سولتۇستىگىندە نايزاعاي وينايدى دەپ كۇتىلەدى. سولتۇستىك-باتىستان سوققان جەلدىڭ ەكپىنى 16 م/س قۇرايدى، كۇندىز وبلىستىڭ باسىم بولىگىندە قاتتى ىستىق بولادى: +35...+38°C.