قازاقستاندىق تەننيسشىلەر پرەزيدەنت كۋبوگىنىڭ ەكىنشى اينالىمىنا شىقتى

ATP Challenger جانە ITF World Tennis Tour جارىستارى ءوتىپ جاتىر

ەلوردادا پرەزيدەنت كۋبوگى اياسىندا ەرلەر مەن ايەلدەر اراسىندا ATP Challenger جانە ITF World Tennis Tour جارىستارى ءوتىپ جاتىر، دەپ حابارلايدى Almaty-akshamy.kz.

قازاقستان تەننيس فەدەراسياسىنان ءمالىم ەتكەنىندەي، دميتريي پوپكو العاشقى اينالىمدا نيدەرلاندىلىق رۋبين ستەتحەمدى 6:3، 6:4 ەسەبىمەن ۇتتى. د.پوپكونىڭ كەلەسى قارسىلاسى - تۇركيالىق يانكي ەرەل. موناكولىق لۋكاس كاتارينانى 6:1، 6:1 ەسەبىمەن ويسىراتا جەڭگەن ميحايل كۋكۋشكين ەكىنشى اينالىمدا برازيليالىق گابريەل دەكامپسپەن كەزدەسەدى. بەيبىت جۋكايەۆ جاپونيالىق شينتارو يمايدان باسىم ءتۇستى - 7:6 (7:3)، 6:1. ەندى ول يزرايل وكىلى دانيەل سۋكەرمانمەن شەبەرلىك بايقاسادى. دەنيس ەۆسەيەۆ ءۇش سەتكە سوزىلعان كەزدەسۋدە رەسەيلىك اليبەك كاچمازوۆتى جولدان تايدىردى - 6:3، 3:6، 6:4. د.ەۆسەيەۆ شيرەك فينالعا شىعۋ ءۇشىن تاعى ءبىر رەسەيلىك ەۆگەنيي كارلوۆسكييمەن تالاسادى. تيموفەي سكاتوۆ، دوستانبەك تاشبولاتوۆ جانە گريگوريي لوماكين جەكەلەي سىندا ەكىنشى اينالىمعا شىعا المادى. ايەلدەر اراسىندا گوزال اينيتدينوۆا وتانداسى اسىلجان ارىستانبەكوۆادان شەبەرلىگىنىڭ باسىم ەكەندىگىن كورسەتتى - 6:3، 6:4. ەندى ول رەسەيلىك اناستاسيا زولوتاريەۆانى سىناپ كورەدى.