الماتى قالاسى ءبىلىم باسقارماسىنىڭ قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى (ءقبجتعاو) شەت ەلدەگى تاعىلىمدامالار ارقىلى پەداگوگتەردىڭ كاسىبي دەڭگەيىن ارتتىرۋعا ايرىقشا ءمان بەرىپ كەلەدى. اتالعان ورتالىقتىڭ ديرەكتورى داۋرەن ساعىنعالييەۆ مۇعالىمدەردىڭ سينگاپۋر ەلىندەگى تاعىلىمداماسىنىڭ قورىتىندىسىمەن ءبولىسىپ، حالىقارالىق ىنتىماقتاستىقتىڭ وتاندىق ءبىلىم بەرۋ جۇيەسىنە ىقپالىن اتاپ ءوتتى.
الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆاسىن ىسكە اسىرۋ جونىندەگى جول كارتاسىنا سايكەس، 2024 جىلدىڭ قىركۇيەك ايىندا قالا مەكتەپتەرىنىڭ 63 ينفورماتيكا ءپانى ءمۇعالىمى سينگاپۋردە تاعىلىمدامادان ءوتتى. بۇل ءىسساپاردىڭ ماقساتى – پەداگوگتەردىڭ كاسىبي قۇزىرەتتىلىگىن ارتتىرۋ، روبوتوتەحنيكا، باعدارلامالاۋ، جاساندى ينتەللەكت پەن زاماناۋي اقپاراتتىق-كوممۋنيكاسيالىق تەحنولوگيالاردى وقىتۋ ادىستەمەلەرىن مەڭگەرۋ جانە ولاردى الماتى قالاسىنىڭ ءبىلىم بەرۋ جۇيەسىنە بەيىمدەۋ.
تاعىلىمداما اياسىندا پەداگوگتەر حالىقارالىق ءبىلىم بەرۋ جۇيەسىنىڭ ەرەكشەلىكتەرىمەن تانىسىپ، وقىتۋدىڭ يننوۆاسيالىق تاسىلدەرىن، ءىت قۇرالدارمەن ءتيىمدى جۇمىس ىستەۋ داعدىلارىن جەتىلدىردى. وقۋ باعدارلاماسى سيفرلىق ساۋاتتىلىقتى ارتتىرۋعا، جەكە ءبىلىم تراەكتوريالارىن قالىپتاستىرۋعا، ءىت جوبالاردى ۇيىمداستىرۋ جانە كوماندادا جۇمىس ىستەۋ قابىلەتىن دامىتۋعا باعىتتالدى. سونىمەن قاتار، مۇعالىمدەر ءىت سالاسىنداعى ەتيكا مەن جاۋاپكەرشىلىك، ۇزدىكسىز كاسىبي دامۋ ۇعىمدارىن تەرەڭ مەڭگەردى.
تاعىلىمداما اياقتالعاننان كەيىن ءقبجتعاو قالانىڭ 216 مەكتەبىندە سينگاپۋر تاجىريبەسىن تاراتۋ ماقساتىندا اۋقىمدى سەمينارلار ۇيىمداستىردى. بۇل شارالارعا 1000-نان استام ينفورماتيكا ءپانى ءمۇعالىمى قاتىستى. سەمينارلار بارىسىندا قاتىسۋشىلارعا اكت مەن جاساندى ينتەللەكتتى ءبىلىم بەرۋ پروسەسىنە ءتيىمدى ەنگىزۋ، وقۋشىلاردىڭ سىني ويلاۋىن دامىتۋ، پراكتيكالىق داعدىلارىن قالىپتاستىرۋ جولدارى ۇسىنىلدى. سونىمەن قاتار Python باعدارلامالاۋ ءتىلى بويىنشا شەبەرلىك ساباقتار وتكىزىلىپ، ناقتى مىسالدار مەن كەيستەر نەگىزىندە تاجىريبە الماسۋ جۇزەگە استى.
بۇعان قوسا، 2023 جىلدىڭ قازان ايىندا ءقبجتعاو-نىڭ وقۋ جۇمىسى جونىندەگى ءبولىمىنىڭ ادىسكەرلەرى فيزيكا، حيميا، بيولوگيا جانە گەوگرافيا پاندەرىنىڭ 2500-دەن استام مۇعالىمىنە ارنالعان وقىتۋ سەمينارلارىن ۇيىمداستىردى. سەمينارلار سينگاپۋردە تاعىلىمدامادان وتكەن پەداگوگ-ترەنەرلەردىڭ جەتەكشىلىگىمەن ءوتتى. وندا زەرتتەۋگە نەگىزدەلگەن وقىتۋ، پاندىك-عىلىمي ساۋاتتىلىقتى دامىتۋ، وقۋشىلاردىڭ زەرتحانالىق جۇمىستارىن ءتيىمدى ۇيىمداستىرۋ، زاماناۋي وقۋ قۇرالدارى مەن سيفرلىق رەسۋرستاردى قولدانۋ جولدارى قاراستىرىلدى.
ساۋالناما ناتيجەلەرىنە سۇيەنسەك، سەمينارلارعا قاتىسقان مۇعالىمدەردىڭ 83%-ى وقۋ ۇدەرىسىنەن جوعارى قاناعاتتانۋشىلىق ءبىلدىرىپ، سەمينارلاردى ءوز جۇمىس تاجىريبەسىندە قولدانۋعا دايىن ەكەندەرىن جەتكىزگەن.
قالالىق ادىستەمەلىك ورتالىقتىڭ ديرەكتورى داۋرەن ساعىنعالييەۆتىڭ ايتۋىنشا، بۇل تاجىريبەلەر الماتىلىق مۇعالىمدەردىڭ كاسىبي دامۋىنا سەرپىن بەرىپ قانا قويماي، قالا مەكتەپتەرىندە ءبىلىم ساپاسىن ارتتىرۋعا باعىتتالعان ناقتى ءارى ناتيجەلى قادام بولدى. ورتالىق الداعى ۋاقىتتا دا حالىقارالىق تاعىلىمدامالار مەن زاماناۋي پەداگوگيكالىق تاجىريبەلەردى جەرگىلىكتى جۇيەگە ەندىرۋ جۇمىستارىن جالعاستىرماق.
