كوروناۆيرۋس قايتا كۇشەيدى.
سينگاپۋر دەنساۋلىق ساقتاۋ مينيسترلىگىنىڭ مالىمەتىنشە، COVID-19 ىندەتىنە شالدىققانداردىڭ سانى ءبىر اپتادا 32 035-تەن 56 043-كە دەيىن وسكەن، دەپ حابارلايدى Almaty-akshamy.kz Business Standard باسىلىمىنا سىلتەمە جاساپ.
سينگاپۋردا COVID-19 جاعدايلارىنىڭ كۇرت ءوسۋى مەن اۋرۋحاناعا جاتقىزىلعان ناۋقاستاردىڭ كوبەيۋىنە بايلانىستى ماسكا تاعۋ رەجيمى قايتادان ەنگىزىلدى.
بيلىك حالىقتى جەدەل رەسپيراتورلىق ينفەكسيا بەلگىلەرى بولسا ۇيدە بولۋعا، بەتپەردە كيۋگە جانە الەۋمەتتىك قارىم-قاتىناستى ازايتۋعا شاقىرادى. دەنساۋلىق ساقتاۋ مينيسترلىگى ۆاكسيناسيا جانە ونىڭ اۋىر اۋرۋدىڭ الدىن الۋداعى تيىمدىلىگى تۋرالى اقپاراتتى تاراتىپ، ۇگىت-ناسيحات جۇمىستارىن كۇشەيتكەن.
ەلگە كەلگەن ساياحاتشىلاردان اۋەجايلاردا بەتپەردە كيۋ، تۋريستىك ساقتاندىرۋدى ساتىپ الۋ جانە ناشار جەلدەتىلەتىن جانە ادام كوپ جينالاتىن ورىنداردى مارشرۋتتان شىعارۋ سياقتى الدىن الۋ شارالارىن قابىلداۋ ۇسىنىلدى.