سكرينينگتىك تەكسەرۋلەر باعدارلاماسىن ىسكە اسىرۋ شەڭبەرىندە دەنساۋلىق ساقتاۋ مينيسترلىگى ۇلعايۋ جاعىنا قاراي ەرتە انىقتاۋعا جاتاتىن اۋرۋلاردىڭ تىزبەسىن قايتا قارادى، دەپ حابارلايدى اlmaty-akshamy.kz.
سونىمەن، بالالار مەن وسكەلەڭ ۇرپاق ءۇشىن ءومىردىڭ ماڭىزدى كەزەڭدەرىندە مىندەتتى پروفيلاكتيكالىق تەكسەرۋلەر كەڭەيتىلىپ، ەنگىزىلدى: ءومىردىڭ 1ء-شى جىلى، بالاباقشاعا بارار الدىندا (3 جىل)، مەكتەپكە بارار الدىندا جانە ءجاسوسپىرىم كەزىندە، بالا فيزيولوگيالىق وزگەرىستەرگە ۇشىراعان كەزدە (14-15 جانە 16-17 جاس).
ءومىردىڭ ءبىرىنشى جىلىنان باستاپ بالالارعا پروفيلاكتيكالىق تەكسەرۋ ماقساتىندا حيرۋرگتىڭ نيەۆروپاتولوگتىڭ وفتالمولوگتىڭ (كورۋ وتكىرلىگى)، وتورينولارينگولوگتىڭ (اۋديولوگيالىق تەكسەرۋلەر) قاراپ-تەكسەرۋى جۇرگىزىلەدى.
ەلىمىزدىڭ ەرەسەك تۇرعىندارىنىڭ نىسانالى توبىنىڭ اراسىندا 8 اۋرۋدى: ارتەريالىق گيپەرتەنزيانى، جۇرەكتىڭ يشەميالىق اۋرۋىن، قانت ديابەتىن، گلاۋكومانى، جاتىر موينى وبىرىن، ءسۇت بەزى وبىرىن، كولورەكتالدىق وبىردى، ۆيرۋستىق گەپاتيتتى ەرتە انىقتاۋعا سكرينينگتىك (پروفيلاكتيكالىق) تەكسەرۋلەر جۇرگىزىلەدى.
سونىمەن قاتار، كوروناۆيرۋس ينفەكسياسى كەزەڭىن جانە اۋىل مەن قالا تۇرعىندارىنىڭ اراسىندا مەديسينالىق كومەك كورسەتۋدەگى انىقتالعان تەڭگەرىمسىزدىكتى ەسكەرە وتىرىپ، بۇيرەك، اسقازان-ىشەك جولدارى، تىنىس الۋ اعزالارى جانە قۋىقاستى بەزى وبىرى اۋرۋلارىن ەرتە انىقتاۋ ءۇشىن اۋىل تۇرعىندارىنىڭ اراسىندا پروفيلاكتيكالىق تەكسەرۋلەر كەڭەيتىلدى. سونداي-اق، العاش رەت 18 جاستان 29 جاسقا دەيىنگى جاس تۇرعىنداردى پروفيلاكتيكالىق تەكسەرۋلەرمەن قامتۋ ەنگىزىلدى.
وسىلايشا، بۇگىندە قالا حالقىنىڭ نىسانالى توبى ءۇشىن 8 اۋرۋدى ەرتە انىقتاۋعا، اۋىل تۇرعىندارى ءۇشىن 12 اۋرۋدى ەرتە انىقتاۋعا پروفيلاكتيكالىق (سكرينينگتىك) تەكسەرۋلەر جۇرگىزىلەدى.
بۇل رەتتە 2023 جىلدىڭ وتكەن 9 ايىندا ەلىمىزدە 2،8 ملن.ەرەسەك ادامعا پروفيلاكتيكالىق (سكرينينگتىك) تەكسەرۋلەر جۇرگىزىلدى، 388 مىڭ ادامعا ءتۇرلى اۋرۋلار انىقتالدى، 220 مىڭ ادام ديسپانسەرلىك ەسەپكە الىندى.
سونىمەن قاتار، 2023-2027 جىلدارعا ارنالعان ونكولوگيالىق اۋرۋلارمەن كۇرەس جونىندەگى كەشەندى جوسپار بەكىتىلدى، ونىڭ شەڭبەرىندە جاساندى ينتەللەكت تەحنولوگياسىمەن جانە زاماناۋي تەحنولوگيالارمەن تومەن دوزالى كومپيۋتەرلىك توموگرافيا نەگىزىندە وكپە وبىرىن ەرتە انىقتاۋدى زەرتتەۋ كوزدەلگەن.
حالىقتىڭ اراسىندا پروفيلاكتيكالىق تەكسەرۋلەردەن ۋاقتىلى ءوتۋ اۋرۋلاردىڭ ەرتە پروفيلاكتيكاسىنا جانە مۇگەدەكتىكتىڭ الدىن الۋعا ىقپال ەتەدى.