تاراز قالاسى پوليسيا باسقارماسىنىڭ 2-پوليسيا بولىمىنە 24 جانە 40 جاستاعى وزبەكستان رەسپۋبليكاسىنىڭ ازاماتتارىنان ەڭبەكتى پايدالانۋ دەرەگى بويىنشا ارىز ءتۇستى.
ارىزدا جابىرلەنۋشىلەر ەر ادام ولاردىڭ جەكە باستى كۋالاندىراتىن قۇجاتتارىن الىپ قويىپ، تاراز قالاسىنداعى قۇرىلىس نىساندارىندا جۇمىس ىستەۋگە ءماجبۇر ەتكەنىن كورسەتتى. ولار قاشىپ ۇلگەرگەن، الايدا يەلەرى قۇجاتتارىن قايتارۋ ءۇشىن اقشا بوپسالاعان، دەپ حابارلايدى اlmaty-akshamy.kz.
اتالعان دەرەك بويىنشا ق ر قك 126-بابى، 3-بولىگىنىڭ 2-تارماعىمەن (زاڭسىز باس بوستاندىعىنان ايىرۋ) سوتقا دەيىنگى تەرگەپ-تەكسەرۋ امالدارى باستالدى.
جەدەل-ىزدەستىرۋ ءىس-شارالارىنىڭ ناتيجەسىندە پوليسيا قىزمەتكەرلەرى تۇركىستان وبلىسىنىڭ 35 جاستاعى تۇرعىنىن انىقتادى. ول تالاپ ەتكەن شامامەن 500 مىڭ تەڭگە كولەمىندەگى اقشانىڭ 200 مىڭ تەڭگەسىن العان كەزىندە ۇستالدى.
كۇدىكتى ءوز كىناسىن مويىندادى. قۇرىقتاۋ بارىسىندا ودان 200.000 تەڭگە سوماسىنداعى اقشالاي قاراجات، «رەدمي-7» ماركالى ۇيالى تەلەفون جانە قۇجاتتار تاركىلەندى.
قازىرگى ۋاقىتتا قىلمىستىق ءىس بويىنشا قاجەتتى تەرگەۋ ارەكەتتەرى جالعاسۋدا.