ءسىم شەتەلگە باراتىن وتانداستارىمىزدى قاۋىپسىزدىك ءىس-شارالارىن ساقتاۋعا شاقىردى

...مەملەكەت ءارقاشان قولدارىنان ۇستاپ جۇرە المايدى - ءسىم وكىلى

ۆەدومستۆودا وتكەن بريفينگىدە ب ا ق وكىلدەرى مينيسترلىكتىڭ رەسمي وكىلى ايبەك سمادياروۆتان تۇركيانىڭ الانيا قالاسىندا جول اپاتىنان قايتىس بولعان ءبىر وتباسىنىڭ 3 مۇشەسىنە قاتىستى سوڭعى مالىمەتتى سۇرادى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ول وتباسى مۇشەلەرىنىڭ مۇردەلەرى قازاقستانعا جەتكىزىلدى. ارينە، ءقازىر تەرگەۋ جۇرگىزىلىپ جاتىر. ەكى كولىك سوعىسقان، جۇرگىزۋشىلەرى تەرگەلۋدە. ادۆوكاتتار بار. كونسۋلىمىز ولاردىڭ تۋعان-تۋىستارىمەن، تۇركيانىڭ جەرگىلىكتى قۇقىق قورعاۋ ورگاندارىمەن تىعىز بايلانىستا. ازاماتتارىمىز تۇركيادا دەمالىپ جاتسا، قانداي دا ءبىر ەكسكۋرسياعا نە باسقا جەرگە باراتىن بولسا، ءوز قاۋىپسىزدىگىن قامتاماسىز ەتۋى كەرەك. ولاردىڭ جانىندا مەملەكەت ءارقاشان قولدارىنان ۇستاپ جۇرە المايدى»، - دەدى ايبەك سمادياروۆ.

ونىڭ اتاپ وتۋىنشە، سىرتقى ىستەر مينيسترلىگى اتالعان وتباسى مۇشەلەرىنىڭ مۇردەلەرىن ەلگە جەتكىزۋ ءۇشىن جان-جاقتى كومەك كورسەتكەن.

ەستەرىڭىزگە سالا كەتسەك، 4 قىركۇيەك كۇنى تۇركيانىڭ الانيا قالاسىندا سافاري-كولىك پەن جەڭىل ءاۆتوموبيلدىڭ سوقتىعىسۋى سالدارىنان جۋرناليست، «زەيىن اتىراۋ» ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان مەن 2 جاسارى قىزى وقيعا ورنىندا قايتىس بولدى.

بىرنەشە كۇننەن كەيىن اۋرۋحانانىڭ جانساقتاۋ بولمىندە جاتقان وتباسىنىڭ وتاعاسى داكوز جۇمدى.