الماتى پوليسياسى كولىكتەرگە زاڭسىز جارناما ورناتقان جۇرگىزۋشىلەردى انىقتاپ جاتىر
پوليسەيلەردىڭ مالىمەتىنشە، سوڭعى ۋاقىتتا تاكسي رەجيمىندە جولاۋشىلاردى تاسىمالدايتىن زاڭدى جانە جەكە تۇلعالاردىڭ قر-نىڭ جول قوزعالىسى قاۋىپسىزدىگى سالاسىنداعى زاڭناماسىن بۇزۋ دەرەكتەرى جيىلەپ كەتكەن.
قازىرگى ۋاقىتتا جەرگىلىكتى پوليسيا قىزمەتى باسقارماسىنىڭ الدىڭعى ساپتاعى بولىمشەلەرى جارنامالىق قۇرىلىمداردى، لايتبوكستاردى، ەلەكتروندى پاننولاردى، پلوتتەر مەن ستيكەرلىك جارنامانى ورناتۋعا بايلانىستى زاڭ بۇزۋشىلىقتاردىڭ الدىن الۋ جانە جولىن كەسۋگە باعىتتالعان رەيدتىك ءىس-شارالار جۇرگىزىپ جاتىر، دەپ حابارلايدى Almaty-akshamy.kz.
بۇرىن حابارلانعانداي، ولاردى ورناتۋ جانە كولىك قۇرالىنىڭ بورتتىق جەلىسىنە قوسۋ كوبىنەسە ق ر ست 31306 “اۆتوكولىك قۇرالدارى. سىرتقى بەتتەردە جارنامانى ورناتۋ”، ق ر اقبك-نىڭ 590-بابى 5-بولىگى (كولiك قۇرالدارىن پايدالانۋ قاعيدالارىن بۇزۋ) جانە باسقا دا تەحنيكالىق تالاپتار ساقتالماي جۇزەگە اسىرىلادى.