ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ بەلارۋس پرەزيدەنتى الەكساندر لۋكاشەنكونىڭ قازاقستاننىڭ ەكس-پرەزيدەنتى نۇرسۇلتان نازاربايەۆقا تەلەفون سوققانى تۋرالى جاڭالىققا تۇسىنىكتەمە بەردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇل اقپاراتپەن سىرتقى ىستەر مينيسترلىگى دە تانىسىپ ۇلگەرگەن.
«ارينە، بەلارۋس پرەزيدەنتى – ءبىزدىڭ بۇرىنعى پرەزيدەنتىمىزدىڭ بايىرعى وداقتاسى، ولاردىڭ ءارقاشان ايتاتىن نارسەسى بار. سونىمەن بىرگە وزدەرىڭىزگە بەلگىلى، ەلىمىزدىڭ سىرتقى ساياساتىن، ونىڭ ىشىندە شەت مەملەكەتتەرمەن قارىم-قاتىناسىن ايقىنداۋ ق ر پرەزيدەنتىنىڭ قۇزىرەتىندە. سوندىقتان قازاقستان-بەلارۋس قاتىناستارى قازىرگى مەملەكەت باسشىلارىنىڭ اراسىندا عانا تالقىلاناتىنىنا سۇيەنەمىز»،-دەيدى ايبەك سمادياروۆ
ق ر سىرتقى ىستەر مينيسترلىگىنىڭ رەسمي وكىلى: «قازاقستان مەن بەلارۋس اراسىنداعى قارىم-قاتىناستار ستراتەگيالىق سيپاتقا يە، كۇن تارتىبىندە پروبلەمالىق ماسەلەلەر جوق، بارلىق دەڭگەيدە تۇراقتى جانە جان-جاقتى بايلانىستار ساقتالىپ وتىرعانىن»،-دەپ قوسا كەتتى.
25 ماۋسىم كۇنى بەلارۋس پرەزيدەنتىنىڭ باسپا ءسوز قىزمەتى الەكساندر لۋكاشەنكو مەن نۇرسۇلتان نازاربايەۆ تەلەفون ارقىلى حالىقارالىق جاعدايدى، ايماقتاعى جاعدايدى جانە بەلارۋس-قازاقستان قارىم-قاتىناستارىن تالقىلاعانى تۋرالى اقپارات تاراتقان.